Azərbaycanda saxta bilet satanlar cəzalandırılacaqBölmə: Sosial
Kütləvi idman tədbirin keçirilməsinə mane olma ilə bağlı da cəzalar təklif edilirAzərbaycanda keçiriləcək kütləvi beynəlxalq idman yarışları zamanı saxta bilet satışı, o cümlədən tədbirin keçirilməsinə mane olma ilə bağlı yeni cəzalar tətbiq olunur. APA-nın məlumatına görə, bununla bağlı Milli Məclisin Sosial siyasət komitəsinin bu gün Hüquq siyasəti və dövlət quruculuğu komitəsi ilə birgə keçirilən iclasında İnzibati Xətalar Məcəlləsinə yeni 224-1 və 298-1 maddələrinin əlavə olunması müzakirəyə çıxarılıb. Hüquq siyasəti və dövlət quruculuğu komitəsinin sədri Əli Hüseynli layihə barədə məlumat verərək bildirib ki, əlavələr ölkədə keçirilən beynəlxalq idman yarışlarında, o cümlədən qarşıdan gələn I Avropa Oyunlarında təhlükəsizliyinin təmin edilməsi ilə bağlıdır. 224-1-ci maddəyə görə, kütləvi idman tədbirləri və idman yarışlarına giriş biletlərinin saxtalaşdırılmasına görə fiziki şəxslər 500 manat, vəzifəli şəxslər 2 min manat, hüquqi şəxslər isə 5 min manat cərimələnəcəklər. Maddədə o da göstərilir ki, kütləvi idman tədbirlərinə və idman yarışlarına giriş biletlərinin “Bədən tərbiyəsi və idman haqqında” qanuna uyğun olaraq müəyyən edilmiş tariflərdən yüksək qiymətə satılmasına görə vəzifəli şəxslər 1500 manatdan 2 min manata qədər, hüquqi şəxslər isə 5 min manatdan 7 min manata qədər cərimələnəcəklər. Maddə 298-1-də isə deyilir ki, kütləvi idman tədbirlərinin və idman yarışlarının keçirilməsinə mane olmağa, yəni: - bədən tərbiyəsi - idman obyektlərinin ərazilərinə və tamaşaçılar üçün nəzərdə tutulmuş yerlərə “Bədən tərbiyəsi və idman haqqında” qanuna görə daxil olmasına yol verilməyən şəxslərin buraxılmasına; - bədən tərbiyəsi və idman obyektlərinin ərazilərində və tamaşaçılar üçün nəzərdə tutulmuş yerlərdə “Bədən tərbiyəsi və idman haqqında” qanunu ilə qadağan edilən əşyaların istifadəsinə, hərəkətlərin edilməsinə görə; Fiziki şəxslərin 500 manatdan 1000 manata qədər, vəzifəli şəxslərin 2 min manat, hüquqi şəxslərin isə 5 min manat miqdarında cərimələnməsi nəzərdə tutulur. Layihə Milli Məclisin plenar iclasına tövsiyə olunub. |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|