Bu dəfə vitse-spikerlə Fəzail Ağamalı üz-üzə gəldi
14-11-2018, 17:25. Yerləşdirdi: sefa
Vitse-spiker Valeh Ələsgərovla deputat Fəzail Ağamalı arasında qalmaqal yaranıb.
Xalqinfo.az xəbər verir ki, buna səbəb vitse- spikerin millət vəkilini çıxışında səsləndirdiyi fikirlərə ironik tərzdə cavab verməsi olub:
“Burada hamı deyir ki, uşaq puluna və digər məsələlərə pul ayrılsın. Mən də istəyirəm ki, bu, olsun. Amma mənbə hardadır, mənbəni göstərin, hesablayın, hökumətə verin və bu məbləğ də büdcəyə daxil olsun”.
Bu zaman zaldan Fəzail Ağamalının etirazı eşidilib. O bildirib ki, az öncəki çıxışında adını çəkdiyi sabiq məmurların əmlaklarını hərraca çıxarmaqla, əldə olunan pulla mənbə yaratmaq mümkündür.
Mübahisəyə müdaxilə edən spiker Oqtay Əsədov isə deputatı səbirli olmağa çağırıb: “Sən dedin biz də eşitdik, eşitməyi bacarın da”.
Geri qayıt