DataLife Engine > Siyasət > Ramiz Mehdiyevin kitabı Livanda nəşr edildi

Ramiz Mehdiyevin kitabı Livanda nəşr edildi


13-09-2018, 12:57. Yerləşdirdi: sefa Ramiz Mehdiyevin kitabı Livanda nəşr edildi
Bu yaxınlarda Livanın paytaxtı Beyrut şəhərində "Delta” Dərin Araşdırmalar Mərkəzində Azərbaycan Respublikası Prezidenti Administrasiyasının rəhbəri, akademik Ramiz Mehdiyevin "Dağlıq Qarabağ – məxəzlərdən oxunmuş tarix” kitabı nəşr edilib.

AMEA-nın Fəlsəfə İnstitutundan Unikal.org-a verilən məlumata görə, kitabı ərəb dilinə Əlcəzair Milli Araşdırmalar Mərkəzinin (CNRPAH) professoru Zəim Xənişlavi tərcümə edib.

Qeyd edək ki, professor Z.Xənişlavi V Bakı Beynəlxalq Humanitar Forumunda iştirak edib və burada akademik Ramiz Mehdiyevlə görüşərək ondan bu kitabın tərcüməsinə və nəşrinə icazə alıb. Tərcüməçinin öyrənilən problemə bələdliyi ərəb oxucusuna Qarabağ problemini aydın şəkildə başa düşmək imkanı verir.

Kitabda Azərbaycan və Ermənistan arasında hələ də davam edən münaqişənin əsasını təşkil edən tarixi problemdən danışılır. Müəllif problemi tarixi mənbələr əsasında oxucuya izah etməklə bir çox qaranlıq məqamlara aydınlıq gətirir, mürəkkəb məsələlərin həllini göstərən koqnitiv strategiya təqdim edir.
Geri qayıt