Bəşər Əsəd ölkəni tərk etdi
11-07-2014, 14:17. Yerləşdirdi: Tural
Suriya ordusunun generalları Xalq Sarayının önündə Bəşər Əsədə qarşı hərbi qiyam qaldırıb.
Axar.az xəbər verir ki, bu haqda Livanda fəaliyyət göstərən Əl-Khabar Press xəbər saytı Fransa TV-sinə məlumat verib.
Məlumata görə, ordunun bir qrup zabiti Əsədə qarşı qiyam qaldıraraq, Müdafiə nazirliyinin binasını ələ keçirib və Xalq Sarayını mühasirəyə alıb.
O da bildirilir ki, Bəşər Əsəd baş verən olaydan sonra ölkəni tərk edib.
Xatırladaq ki, müstəqil qaynaqlar xəbərin dəqiqliyini hələlik təsdiq etməyib.
13:53
Suriya ordusundakı bəzi generallar ölkə prezidenti Bəşər Əsəd rejimini devirmək üçün fəaliyyətə keçiblər. ANS PRESS-in məlumatına görə, Əsədi devirmək istəyən hərbçilər artıq hərbi çevriliş etməyə cəhd edirlər.
Liviya mətbuatının yaydığı məlumatda qeyd olunub ki, Əsədi yıxmağa çalışan generallar ordusu Suriya Müdafiə Nazirliyini ələ keçiriblər.
Hərbçilərin Əsədə məxsus “Xalq Sarayı”nı da tutduqları bildirilir.
Yayılan xəbərlərdə Əsədin Suriyanı tərk etdiyi də irəli sürülüb. Lakin hələlik bu iddialar öz təsdiqini tapmayıb.
Geri qayıt