Ermənistanda Şuşalı prezidentliyə namizəd kimi təsdiqləndi Ermənistanın müdafiə naziri Seyran Ohanyan təxminən bir ay əvvəl Serj Sarkisyan və Robert Koçaryanın baş tutan görüşündə əsas müzakirə mövzusu olub. Xalqinfo.az ANS PRESS-ə istinadən bildirir ki, bunu Ermənistanın "Haykakan Jamanak" qəzeti yayıb. Qəzetin yazdığına görə, Serj Sarkisyan Robert Koçaryana 2018-ci il Ermənistan prezidentliyinə əsas namizədin Seyran Ohanyan olacağını bildirib. Sarkisyanın Koçaryana Seyran Ohanyanın Ermənistan prezidenti seçilməsinin onun üçün də sərfəli olduğunu çatdırıb. Ermənistanda hakimiyyətdə olan "Qarabağ klanı" liderlərinin görüşündə əslən şuşalı bir nəfərin namizəd kimi təsdiqlənməsinin heç də tasadüfi olmadığı bildirilir. Belə ki, "Qarabağ klanı" hakimiyyəti "öz adamı"na ötürməklə Dağlıq Qarabağ problemini bir az da uzatmağı planlaşdırır. Ordu və güc strukturları əlində olan və Qarabağda dinc sakinlərin qırğınlarının əsas təşkilatçısı və icraçılarından olan Seyran Ohanyanın hakimiyyətə gətirməklə Serj Sarkisyan özü üçün də təhlükəsiz şərait qurmağa çalışır. Ancaq istənilən halda yerli ermənilərin "Qarabağ klanı"na nifrəti fonunda Sarkisyanın varis planının iflasa məhkum olduğunu düşünmək olar. |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
