» » Vilayət Quliyev eks-naziri oğurluqda ittiham etdi

Vilayət Quliyev eks-naziri oğurluqda ittiham etdi

Bölmə: Siyasət, BLOK XƏBƏR
Vilayət Quliyev eks-naziri oğurluqda ittiham etdi





Azərbaycanın Macarıstandakı fövqəladə və səlahiyyətli səfiri, tənqidçi, ədəbiyyatşünas Vilayət Quliyev sabiq Rabitə naziri Nadir Əhmədovu onun araşdırma-yazısını oğurlamaqda ittiham edib.

“Xalqinfo” xəbər verir ki, səfir bu barədə sosial şəbəkədə məlumat paylaşıb. Keçmiş Xarici İşlər naziri bildirib ki, Nadir Əhmədov onun 2008-ci ildə “525-ci qəzetdə” çap olunan “Türk ordusunun azərbaycanlı generalları” adlı məqaləsini sərlövhəsini və bir sözünü də dəyişmədən əvvəlcə “İblis xislətli erməni” kitabında, daha sonra öz saytında yerləşdirib:

“Deyəsən, son illərdə əli maddi çax-çuxdan çıxan keçmiş həmkarım Nadir Əhmədov ixtiyar yaşında intellektual çapovulçuluğa girişib. İndi quqlda axtarış verəndə bir sətrini də yazmadığı uzun zəhmət və axtarışların bəhrəsi olan bu araşdırma-yazı Nadir müəllimin “əsəri” kimi təqdim olunur.

Nadir Əhmədov

Vilayət Quliyev eks-naziri oğurluqda ittiham etdi

Məqalədə haqqında danışılan general-polkovnik Mehmet Nuri və ordu generalı Mahmud Berköz (Sarıkərimli) qardaşları əslən şəkili olduqları üçün yəqin Nadir müəllim elə hesab edir ki, bu mövzudan yazmaq başqa bölgədən olan bir kimsənin işi deyil, yalnız onun şəninə şayandır. Amma yeni peyda olmuş “qocaman ədib” heç olmazsa, köhnə şəkili kimi vətəninin övladlarından söz açan yazıya bir-iki məhəlli ştrix əlavə eləsəydi, yenə də dərd yarı idi.

Görünür, “oğrudan oğruya halaldır” prinsipi ilə hərəkət edən Ülviyyə Tahir qızı adlı bir xanım da eyni yazını başlığını da dəyişmədən “Xalq cəbhəsi qəzeti”ndə öz araşdırması kimi çap etdirib. Əcəb işdir! Adam bilmir qocasından rəncidə olsun, yoxsa cavanından incisin! Yəqin ki, ən salamat yolu oxucu sayını artırdıqlarına görə bu “müəlliflərə” təşəkkür etməkdir”.

Qeyd edək ki, V. Quliyev 1999-2004-cü illərdə Xarici İşlər naziri, N. Əhmədov isə 1997-2004-cü illərdə Rabitə naziri olub.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler