» » "Vətəndaşları xaricə saxta yollarla aparanlar cəzalanacaqlar" -

"Vətəndaşları xaricə saxta yollarla aparanlar cəzalanacaqlar" - Əli Həsənov

Bölmə: Siyasət, BLOK XƏBƏR
"Vətəndaşları xaricə saxta yollarla aparanlar cəzalanacaqlar" -






"Azərbaycan dövləti geri qayıdan vətəndaşlarının yerləşdirilməsi, onların işlə təmin olunması, yenidən ölkəmizin layiqli vətəndaşına çevrilməsi üçün əlindən gələn hər bir şeyi edir və bundan sonra da edəcək. Düşünürəm ki, bu yola düşənlər, xüsusən də Azərbaycan vətəndaşlarını xarici ölkələrə saxta yollarla aparılmasında iştirak edən insanlar da özlərinin layiqli cəzalarını alacaqlar. Bundan sonra Azərbaycan vətəndaşları dövlətin və respublikasının sağlam qüvvələrinin və dövlətçilik ətrafında sıx birləşəcəklər".

Xalqinfo.az xəbər verir ki, bu fikirləri Azərbaycan Respublikası Prezidentinin İctimai-siyasi məsələlər üzrə köməkçisi-şöbə müdiri Əli Həsənov jurnalistlərə açıqlamasında deyib.

Ə.Həsənov onların ölkəyə qaytarılmasından sonra müxtəlif bəhanələrlə həbs ediləcəyi barədə yayılan məlumatlara da münasibət bildirib: "Bunların heç bir əsası yoxdur. Əlbəttə, onların hər birinin fəaliyyəti - kim hansı yolla ölkəni tərk edib, kim xarici ölkələrə hansı adla gedib - Azərbaycanda araşdırılır və araşdırılacaq. Bunlar müvafiq olaraq araşdırılandan sonra həmin insanlar Azərbaycan vətəndaşıdır. Biz Azərbaycan vətəndaşlarının hər biri - yaxşısı, pisi üçün bu ölkədə yaşayış və iş şəraitini yaratmağa borcluyuq. Azərbaycan dövlətinin və Prezidentinin yürütdüyü siyasətin təməlində insan və vətəndaş amili və onların maraqları dayanır. Ona görə də Azərbaycana qayıdan və qaytarılan həmin insanların ölkəmizin vətəndaşı olaraq hər birinin fəaliyyəti, gələcək həyatını qurması üçün Azərbaycanda lazımi şərait yaradılacaq və onlara zəruri dəstək veriləcək".

Prezidentinin İctimai-siyasi məsələlər üzrə köməkçisi-şöbə müdiri vurğulayıb ki, cinayətkarlarla bağlı həm Azərbaycanda, həm də müvafiq xarici ölkələrdə araşdırma aparılır: "Cinayət törətmiş, cinayətin törədilməsində qrup və ya şəxsi formada iştirak etmiş insanlara gəlincə isə onlarla bağlı müvafiq olaraq hüquq-mühafizə orqanları araşdırma aparır. Nəinki bizim hüquq-mühafizə orqanları, o cümlədən, Almaniyanın, Fransanın, Avropanın da hüquq-mühafizə orqanları araşdırma aparır. Bu işdə cinayətə əli bulaşan insanlar da layiqli cəzalarını alacaqlar".

"Biz Qərbin liberal həyat tərzini, məsələlərə liberal yanaşmasını anlayırıq. Amma öz ölkəsində həm ictimai-siyasi, həm də iqtisadi, həm də bütövlükdə bir vətəndaşlıq sahəsində ciddi nümunələr göstərən, özünü tapa bilməyən, ayrı-ayrı səbəblərdən öz ölkəsini tərk edib xaricə gedənlərin yerləşdirilməsi sahəsində formalaşan bu biabırçılığı pisləyirik. Çoxdan bilirdik ki, bəzi müxalif partiyalar, o cümlədən, onların müxtəlif nümayəndələri bu işlə məşğuldur. Biz bunu dəfələrlə bəyan etmişik və sübut etməyə çalışırdıq. Ancaq təəssüflər olsun ki, müxalifət partiyaları bunu etiraf etmirdilər ki, nəyə görə bu insanları başqa adlarla, onların fəaliyyəti ilə bağlı uydurma arayışlar hazırlamaqla xarici ölkələrə göndərirdilər. Onların orada yaşadığı həyat tərzini də biz bilirdik. Qaçqın kamplarında onlara yaradılan şəraitdən də xəbərimiz var idi. Azərbaycan dövlətinin dəyanətli, dəyərli vətəndaşı olmaq hissi onlar üçün yaradılmış komfort şəraitlə əvəz oluna bilməzdi. Ona görə də biz əvvəlcədən bunun əleyhinə idik", deyə şöbə müdiri əlavə edib.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler