» » Ərdoğanı ilk təbrik edən Azərbaycan prezidenti oldu

Ərdoğanı ilk təbrik edən Azərbaycan prezidenti oldu

Bölmə: Siyasət, MANŞET
Ərdoğanı ilk təbrik edən Azərbaycan prezidenti olduPrezident İlham Əliyev iyunun 24-də Türkiyə prezidenti Rəcəb Tayyib Ərdoğana telefonla zəng edib.

Xalqinfo.az xəbər verir ki, dövlətimizin başçısı Rəcəb Tayyib Ərdoğanı seçkilərdə əldə etdiyi inamlı qələbə münasibətilə təbrik edib.

Azərbaycan prezidenti qeyd edib ki, Rəcəb Tayyib Ərdoğanın rəhbərliyi altında Türkiyə daha da inkişaf edib, iqtisadi sahədə böyük uğurlar qazanıb, beynəlxalq aləmdə mövqeləri daha da möhkəmlənib.

Dövlətimizin başçısı Rəcəb Tayyib Ərdoğana Türkiyə xalqının firavanlığı və inkişafı naminə yeni uğurlar arzulayıb.

Türkiyə prezidenti göstərilən diqqətə və təbrikə görə dövlətimizin başçısına minnətdarlığını bildirib.

Telefon söhbəti zamanı dövlət başçıları Azərbaycanla Türkiyə arasında dostluq və qardaşlıq münasibətlərinin bütün sahələrdə bundan sonra da uğurla inkişaf edəcəyinə əminliklərini ifadə ediblər.

İlham Əliyev türkiyəli həmkarını Azərbaycana rəsmi səfərə dəvət edib. Dəvət minnətdarlıqla qəbul edilib.

“Milliyet”in məlumatına görə, R. T. Ərdoğanı qələbəsi münasibətilə ilk təbrik edən Azərbaycan prezidenti olub.

Fələstin lideri Mahmud Abbas da türkiyəli həmkarını təbrik edib.


Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler