Faiq Əmirli azadlıqda

Bölmə: Siyasət, BLOK XƏBƏR, MANŞET

15 sentyabr 2017 12:15 Baxış: 192 Şərh: 0 Çap

Bu gün Bakı Apellyasiya Məhkəməsində AXCP sədrinin köməkçisi Faiq Əmirlinin barəsindəki hökmdən verilən apellyasiya şikayətinə baxılıb.

Xalqinfo.az xəbər verir ki, qərara əsasən, Səbail rayon Məhkəməsinin hökmü dəyişdirilib. F.Əmirliyə 3 il sınaq müddəti olmaqla şərti cəza verilib və məhkəmə zalından azadlığa buraxılıb.

Qeyd edək ki. F.Əmirli ötən il avqustun 20-də saxlanılıb. O, Cinayət Məcəlləsinin 283.1-ci (milli, irqi, sosial və ya dini düşmənçiliyin yönələn hərəkətlər etməkdə) və 168.1-ci (dini məzhəbləri yaymaq və dini ayinlərin icrası adı altında vətəndaşların qanunla müəyyən edilmiş vəzifələrini yerinə yetirməkdən yayındıran qrup təşkil etmə, ona rəhbərlik etmə və ya belə qrupda iştirak etmə) maddələri ilə ittiham edilir. Məhkəmənin hökmü ilə Faiq Əmirli 3 il 3 ay müddətinə azadlıqdan məhrum edilib.