» » Serbiya prezidenti İlham Əliyevi təbrik etdi


Serbiya prezidenti İlham Əliyevi təbrik etdi

Bölmə: Siyasət
Serbiya prezidenti İlham Əliyevi təbrik etdi
Serbiya prezidenti Aleksandr Vuçiç prezident İlham Əliyevə ölkələrimiz arasında diplomatik əlaqələrin qurulmasının 20 illiyi münasibətilə təbrik məktubu göndərib.

Xalqinfo”nun məlumatına görə, məktubda deyilir:

“Ölkələrimiz arasında diplomatik əlaqələrin qurulmasının 20 illiyi münasibətilə səmimi təbriklərimi qəbul edin.

Ötən 20 il ərzində Serbiya Respublikası ilə Azərbaycan Respublikası arasında ikitərəfli və çoxtərəfli fəaliyyət sahələrində səmərəli əməkdaşlıq üzrə böyük təcrübə qazanılıb. Əhəmiyyətli siyasi dialoq, fəal parlamentlərarası əməkdaşlıq qurulub, iqtisadi, investisiya, elmi-texniki, humanitar və digər sahələrdə geniş əlaqələr yaradılıb. Həmçinin Belqrad ilə Bakı müxtəlif beynəlxalq təşkilatlar çərçivəsində fəal əməkdaşlıq həyata keçirirlər.

İnanıram ki, gələcəkdə də ölkələrimiz arasında strateji tərəfdaşlıq əlaqələrini daha da inkişaf etdirəcək və qarşılıqlı maraq doğuran nəticələrin əldə olunmasında birgə səmərəli səylərimizi əsirgəməyəcəyik. Əminəm ki, bu, dost Serbiya və Azərbaycan xalqlarının maraqlarına tam uyğundur.
Fürsətdən istifadə edərək, Serbiya Respublikasının ərazi bütövlüyünün və suverenliyinin dəstəklənməsi ilə bağlı prinsipial mövqeyinizə və qondarma “Kosovo”nun birtərəfli şəkildə elan olunmuş müstəqilliyini tanımadığınıza görə Sizə dərin minnətdarlığımı bildirirəm.

Zati-aliləri, Sizə ali dövləti fəaliyyətinizdə uğurlar, Azərbaycan xalqına isə sülh və rifah arzu edirəm”.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler