İraqın Azərbaycandakı səfiri: “Arzum budur ki, Dağlıq Qarabağ torpağı sülh yolu ilə öz sahibinə qaytarılsın”Bölmə: Siyasət
“Arzum budur ki, Azərbaycanın unudulmaz ağrı-acısı olan Dağlıq Qarabağ torpağı sülh yolu ilə öz sahibi Azərbaycana qaytarılsın”.Xəbərinfo.az APA-ya istinadən xəbər verir ki, bunu Qədir-Xum bayramı münasibətilə keçirilən tədbirdə İraqın Azərbaycandakı səfiri Heydər Şiyə Qubeyşi əl-Barrak deyib. Səfir Dağlıq Qarabağla yanaşı, digər münaqişəli torpaqların da öz sahibinə qaytarılmasını, bütün müsəlman dünyasında sülh və əmin-amanlığın bərqərar olmasını arzu edib: “Eyni zamanda Fələstin torpaqlarının da öz sahibinə qaytarılması üçün dua edirəm. Bütün müsəlman ölkələrində sülh, əmin-amanlıq bərqərar olsun. İraqda, Suriyada, Misirdə, Liviyada, Yəməndə və digər ölkələrdə yaşayan müsəlmanlar heç bir əziyyətdən, heç bir zülmdən əziyyət çəkməsin”. Səfir qeyd edib ki, bu gün müsəlman ölkələrində “Əl-Qaidə” və “İŞİD” kimi terror təşkilatlarının törətdiyi vəhşiliklər hamıya bəllidir: “Terrorçular insanları yurd-yuvasından didərgin salır, qadınları, uşaqları qətlə yetirirlər. Onlar dünyada əmin-amanlığa son qoymaq üçün saxta müsəlmanlar yetişdirməklə məşğuldurlar. İslam adı altında fəaliyyət göstərən bəzi qurumlar var ki, islamı ləkələmək istəyirlər. Arzum budur ki, Allah onları məhv eləsin”. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|