Aİ-dən Rusiya sanksiyası - Krım blokadası davam edir Aİ Şurasının Krım və Sevastopolun işğalı ilə bağlı Rusiyaya dair sanksiyaların müddətinin bir il artırılması haqqında 19 iyun tarixli qərarı Avropa İttifaqının rəsmi jurnalında dərc edilib. Xalqinfo.az xəbə verir ki, “Cari qərar Avropa İttifaqının Rəsmi jurnalında dərc edildikdən bir gün sonra qüvvəyə minir”, - hüquqi aktda qeyd edilir. Sanksiyaların bu kateqoriyasına Krım və Sevastopoldan Aİ-yə qida məhsullarının idxalı, Krım və Sevastopola investisiyaların yatırılması, Krım və Sevastopola turizm fəaliyyəti ilə əlaqədar xidmətlərin göstərilməsi: Krım və Sevastopola nəqliyyat, telekommunikasiya və energetika sektorlarına, eləcə də, neft-qaz və dağ sahələri üçün bir sıra əmtəə mallarının və texnologiyaların ixracına dair qadağalar daxildir. “Aİ-nin xarici işlər və təhlükəsizlik siyasəti üzrə yüksəkvəzifəli nümayəndəsinin Avropa ittifaqı adından 2017-ci il 17 mart tarixli bəyanatında göstərildiyi kimi, Aİ Krım və Sevastopolun Rusiya tərəfindən qanunsuz zəbt edilməsini pisləməyə davam edir və bu ərazini tanımamaq üzrə siyasəti tamamən realizə etməkdə qərarlıdır”, - Aİ Şurasının kommünikesində bildirilib. Məlumata görə, bu ərəfədə Avropa Krım sanksiyalarının müddətini bir il uzadıb. Bu qərarı Lüksemburqda Aİ üzv ölkələrinin XİN rəhbərləri qəbul edib. Leyla Həsənova |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
