Nazirin qohumuna ziyanı ödətdirdilər - Şok məbləğ

Bölmə: Siyasət, BLOK XƏBƏR, MANŞET

09 iyun 2017 12:26 Baxış: 303 Şərh: 0 Çap

Nazirin qohumuna ziyanı ödətdirdilər - Şok məbləğ

Bakı Telefon Rabitəsi İstehsalat Birliyinin sabiq rəhbəri Beytulla Hüseynov dövlətə vurduğu 10 milyon manatlıq ziyanı ödəyib.

Xalqinfo.az xəbər verir ki, o, məhkəmə istintaqı dövründə dəymiş zərərin 3 milyonunu ödəmişdi. Daha sonra vurduğu zərərin qalan hissəsini də tam ödəyib.

Beytulla Hüseynov 2015-ci ilin noyabr ayında həbs edilib, 10-dan çox əmlakına həbs qoyulub. O, qulluq mövqeyindən sui-istifadədə, saxta sənədlər əsasında müvafiq müəssisələrin ayrı-ayrı banklardakı hesabına pul köçürərək mənimsəməkdə təqsirli bilinir.

Hazırda Nəqliyyat, Rabitə və Yüksək Texnologiyalar Nazirliyinin keçmiş Aparat rəhbəri Vidadi Zeynalov, Aztelekom MMC-nin sabiq baş direktoru Məhəmməd Məmmədov, Bakı Telefon Rabitəsi İstehsalat Birliyinin sabiq rəhbəri Beytulla Hüseynov, Birliyin sabiq baş mühasibi Anar Mustafayev, AzİnTelekom MMC-nin sabiq baş direktoru Cəlil Cəfərov, Azərpoçt MMC-nin sabiq baş direktoru Qəmbər Bəybalayev, Optik Rabitə, Tikinti və Quraşdırma MMC-nin baş mühasibi Səhrab Hümbətov, Rabitə Mülki Tikinti MMC-nin direktoru Emin Məmmədov, Aztelekom MMC-nin baş mühasibi Oqtay Rüstəmov, Təmir-Təchizat Servis MMC-nin direktoru Bayram Vəliyev və Optik Qurğular İdarəsinin sabiq rəisi Namazalı Məmmədovun cinayət işi üzrə məhkəmə prosesi davam edir.

Dövlət ittihamçısı Vidadi Zeynalovun 14 il, Beytulla Hüseynovun 15 il, Anar Mustafayevin 8 il, Qəmbər Bəybalayevin 10 il, Emin Məmmədovla Namazalı Məmmədovun hər birinə 12 il müddətinə azadlıqdan məhrumetmə cəzası istəyib.

Digər təqsirləndirilən Məhəmməd Məmmədov, Cəfər Cəfərov, Səhrab Hümbətov, Bayram Vəliyev və Oqtay Rüstəmovun barəsində Cinayət Məcəlləsinin 70-ci (şərti məhkum etmə) maddəsini tətbiq olunmasını, onlara şərti cəza verilməsini tələb edib.

Prokuror bildirib ki, təqsirləndirilən şəxslərə məxsus üzərinə həbs qoyulmuş əmlakların dövlətə dəymiş ziyan ödənilməsinə yönəldilməsi təmin edilsin.

Beytulla Hüseynov sabiq milli təhlükəsizlik naziri Eldar Mahmudovun yaxın qohumudur. O, məhkəmədə günahsız olduğunu deyib.

Şərh Yaz