» » Xələf Xələfov Türkmənistanın xarici işlər naziri ilə görüşüb

Xələf Xələfov Türkmənistanın xarici işlər naziri ilə görüşüb

Bölmə: Siyasət
Xələf Xələfov Türkmənistanın xarici işlər naziri ilə görüşüb
1-2 iyun 2017-ci tarixində Aşqabad şəhərində baş tutmuş “Xəzər dənizinin hüquqi statusu haqqında Konvensiya”nın razılaşdırılması üzrə Xəzəryanı dövlətlərin xarici işlər nazirlərinin müavinləri səviyyəsində Xüsusi İşçi Qrupunun 49-cu iclası çərçivəsində Azərbaycan Respublikasının xarici işlər nazirinin müavini Xələf Xələfov və Türkmənistanın Nazirlər Kabinetinin sədrinin müavini, xarici işlər naziri Rəşid Meredov arasında görüş keçirilib.

XİN-in mətbuat xidmətindən Modern.az-a verilən məlumata görə, görüşdə iqtisadi, ticari, o cümlədən enerji və nəqliyyat sahələrində ikitərəfli əməkdaşlığın inkişafı perspektivləri müzakirə edildi və iki ölkənin bu əməkdaşlığın daha da genişləndirilməsi üçün böyük potensiala malik olduğu vurğulanıb.

Tərəflər iki ölkənin dövlət başçıları və xalqları arasında mövcud olan dostluq münasibətlərinin əməkdaşlığın inkişafında mühüm amil olduğunu xüsusi vurğulayıblar. Iki ölkə arasında olan mehriban qonşuluq ruhunda keçən görüşdə Xəzər dənizi məsələləri üzrə ikitərəfli formatda məsləhətləşmələrin aparılmasının vacibliyi qeyd olunub. İkitərəfli əməkdaşlığın inkişafı konteksində xarici işlər nazirləri arasında siyasi məsləhətləşmələrin mütəmadi əsasda keçirilməsi vurğulanıb.

Həmçinin, qarşılıqlı maraq kəsb edən regional məsələlər ətrafında fikir mübadiləsi aparıldı və iki ölkənin beynəlxalq təşkilatlar çərçivəsində irəli sürdükləri təşəbbüslərə qarşılıqlı dəstəyin göstərildiyi məmnunluqla qeyd olunub. Eyni zamanda, X.Xələfov Ermənistanın işğal etdiyi ərazilərimizdə apardığı qeyri-qanuni iqtisadi fəaliyyətə dair məlumat verib, belə fəaliyyətə qarşı birgə addımların atılması və əməkdaşlığın gücləndirilməsinin vacibliyi qeyd edilib.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler