"Cənub Qaz Dəhlizi XXI əsrin layihəsidir" Zlatko LaqumdciyaBölmə: Siyasət
Cənub Qaz Dəhlizi XXI əsrin layihəsidir. Bu qaz kəməri ilə Azərbaycanın təbii ehtiyatları Albaniya, Monteneqro, Bosniya və Herseqovinadan keçməklə Avropaya daşınacaq. Beləliklə, layihə inkişaf, müdriklik, əlaqələndirmə abidəsi olaraq qalacaq. Bu, eyni zamanda, Azərbaycanın sahib olduğu multikulturalizm, tolerantlıq dəyərlərinin dünyada yayılması deməkdir. Xalqinfo.az bildirir ki, bu fikirləri Azərtac-a müsahibəsində Beşinci Qlobal Bakı Forumunun iştirakçısı, Bosniya və Herseqovinanın sabiq Baş naziri Zlatko Laqumdciya səsləndirib. Qlobal Bakı Forumunun əhəmiyyətinin ildən-ilə daha da artdığını deyən Zlatko Laqumdciya Nizami Gəncəvi Beynəlxalq Mərkəzinin təşkilatçılığı ilə dünyanın üzləşdiyi problemlərlə bağlı bir çox şəhərlərdə tədbirlərin keçirildiyini diqqətə çatdırıb: “Biz artıq Bakı Forumunun inkişafının şahidi oluruq. Bakı artıq siyasi, iqtisadi baxımdan Davos Forumuna çevrilir”. Hər iki xalqın bənzər faciələr yaşadığını söyləyən Zlatko Laqumdciya Sarayevoda Azərbaycan-Bosniya və Herseqovina dostluq parkında Srebrenitsa və Xocalı faciələrini əks etdirən abidə kompleksinin yaradıldığını qeyd edərək, bu faciələrlə bağlı həqiqətlərin dünyaya çatdırılmasının vacibliyinə toxunub. Prezident İlham Əliyevin Bosniya və Herseqovinaya göstərdiyi dəstəyə görə minnətdarlığını bildirən Zlatko Laqumdciya iki ölkə arasında əlaqələrin yüksək səviyyəsindən məmnunluğunu dilə gətirib. |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|