Ukraynanın sabiq prezidentləri Bakıda toplaşacaqUkraynanın sabiq prezidentləri Leonid Kravçuk, Leonid Kuçma və Viktor Yuşşenko Bakıda bir araya gələcək. Diasporla İş üzrə Dövlət Komitəsinin mətbuat xidmətindən Xalqinfo.az axar.az.-a istinadən xəbər verir ki, sabiq prezidentlər martın 16-17-də keçiriləcək V Qlobal Bakı Forumunda iştirak etmək məqsədilə gələn ay Azərbaycana səfər edəcək. Nizami Gəncəvi Beynəlxalq Mərkəzinin üzvü olan Ukraynanın 3-cü Prezidenti Viktor Yuşşenko Rusiya Federasiyasının sabiq Dövlət katibi və Baş nazirin müavini Gennadiy Burbulislə birgə forumda “Baltik-Qara dəniz Təhlükəsizlik İcmasının yaradılması: Fəaliyyət Planına doğru” adlı paneli təqdim edəcək. “Xarici əlaqələrin gələcəyi: güc və maraqlar” mövzusuna həsr olunan forumda transatlantik münasibətlərin gələcəyi, terrorizmlə mübarizə, beynəlxalq münasibətlərdə Çinin rolu və digər məsələlər müzakirə ediləcək. V Qlobal Bakı Forumunu Diasporla İş üzrə Dövlət Komitəsinin yaxından dəstəyi ilə Nizami Gəncəvi Beynəlxalq Mərkəzi həyata keçirir. Forumda Latviyanın, Albaniyanın, Makedoniyanın, Monteneqronun və digər ölkələrin hazırkı prezidentləri, eləcə də bir sıra tanınmış ictimai-siyasi xadimlər, elm adamlarının iştirakı planlaşdırılır. Qeyd edək ki, Viktor Yuşşenko əvvəlki 4 forumda iştirak edib, L.Kravçukla L.Kuçma isə III Qlobal Bakı Forumuna qatılb. Leyla Həsənova |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|