MAHMUD ABBAS 2017-Cİ İLİ "İSRAİL İŞĞALININ SONA ÇATMASI İLİ" ELAN ETMƏYƏ ÇAĞIRIB

Bölmə: Siyasət, Dünya

23 sentyabr 2016 03:56 Baxış: 218 Şərh: 0 Çap

O, Fələstin xalqına qarşı ədalətsizliyə son qoymağa çağırıb

Fələstin prezidenti Mahmud Abbas 2017-ci
ilin "İsrail işğalının sonu beynəlxalq ili" elan olunmasını təklif edib.

Xalqİnfo "Report" xəbər verir ki, o bunu BMT Baş Assambleyasının ümumsiyasi müzakirələrində çıxışı zamanı bildirib.

Prezident Fələstin xalqına qarşı ədalətsizliyə son qoymağa və ona sülh və stabilliyin möhkəmləndirilməsi üçün şərait yaratmağa çağırıb.

"Bu gün İsraildə çətin ki, həqiqi sülhə nail olmağa can atan, öz hegemonluq, ekspansionizm və müstəmləkəçilik iddialarından imtina etməyə hazır olan, "Fələstin xalqının hüquqlarını tanıyan və fələstinlilərə qarşı tarixi ədalətsizliyə son qoya bilən" liderlər tapılsın", - deyə o bildirib.

Mahmud Abbas Fələstin ərazilərində İsrail məskənlərinin genişləndirilməsinə qadağa qoymağa çağırıb. Onun sözlərinə görə, Fələstin Təhlükəsizlik Şurasında belə qəsəbələrin salınmasını qadağan edən qətnamənin qəbuluna nail olmağa çalışacaq.

O, həmçinin Fələstin nümayəndə heyətinə gündəliyə qətnamə layihələri daxil etmək və onların həmmüəllifi kimi çıxış etmək imkanı verən sənəd qəbul etməyə çağırıb.

Şərh Yaz