» » Azərbaycan Dövlət Neft Fondu AYİB-in Səhm İştirak Fonduna sərmayə yatıracaq

Azərbaycan Dövlət Neft Fondu AYİB-in Səhm İştirak Fonduna sərmayə yatıracaq

Bölmə: Siyasət, GÜNDƏM
Azərbaycan Dövlət Neft Fondu AYİB-in Səhm İştirak Fonduna sərmayə yatıracaq
Azərbaycan Dövlət Neft Fondu (ARDNF) tərəfindən Avropa Yenidənqurma və İnkişaf Bankının (AYİB) idarə etdiyi Səhm İştirak Fonduna 100 mln. avro məbləğində sərmayə yatırılması nəzərdə tutulub. Xalqİnfo.az bildirir ki, bu barədə "Report"a Fonddan bildirilib.

Məlumata görə, Səhm İştirak Fondu institusional investorlara AYİB-in Mərkəzi və Şərqi Avropa, Mərkəzi Asiya, Cənub-Şərqi Aralıq hövzəsi ölkələri, eləcə də Türkiyə regionundakı birbaşa investisiya portfelində iştirak etməklə maliyyə, sənaye, kənd təsərrüfatı, infrastruktur və enerji sektorlarında uzunmüddətli kapital artımını hədəfləyən yatırımlar həyata keçirmək imkanı yaradır.

ARDNF-nin İcraçı direktoru Şahmar Mövsümov sözügedən investisiya ilə bağlı şərh verərək bildirib ki, Səhm İştirak Fonduna investisiya Fondun investiya portfelinin müxtəlif maliyyə alətləri və coğrafi regionlara diversifikasiyası ilə bağlı investisiya strategiyasının davamıdır: "Bu innovativ investisiya strukturu həmçinin regionda bu sahədə böyük və uzunmüddətli təcrübəyə malik AYİB ilə əməkdaşlığa imkan verəcəkdir. AYİB-in həyata keçirdiyi investisiyalar bizim də hədəf seçdiyimiz bir sıra uzunmüddətli inkişaf göstəriciləri ilə səciyyələnir və biz inanırıq ki, bu investisiyalar Fonda riskləri nəzərə almaqla yüksək gəlirlilik qazandıracaq”.


Xalqİnfo.az

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler