Türkiyə baş nazirinin rəsmi qarşılanma mərasimi

Bölmə: Siyasət, BLOK XƏBƏR, MANŞET

03 dekabr 2015 15:39 Baxış: 394 Şərh: 0 Çap

Türkiyə baş nazirinin rəsmi qarşılanma mərasimi

Bu gün Azərbaycana rəsmi səfərə gələn Türkiyənin baş naziri Əhməd Davudoğlunun rəsmi qarşılanma mərasimi olub.

APA-nın məlumatına görə, iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülüb.

Türkiyə baş nazirini Azərbaycan prezidenti İlham Əliyev qarşılayıb.

Türkiyənin və Azərbaycanın dövlət himnləri səslənib.

Prezident İlham Əliyev və baş nazir Əhməd Davudoğlu fəxri qarovul dəstəsinin qarşısından keçiblər.

Azərbaycanın dövlət və hökumət nümayəndələri Türkiyə baş nazirinə, Türkiyə nümayəndə heyətinin üzvləri Azərbaycan prezidentinə təqdim olunub.

Prezident İlham Əliyev və baş nazir Əhməd Davudoğlu rəsmi foto çəkdiriblər.

* * *14:06

Türkiyənin baş naziri Əhməd Davudoğlunun Azərbaycana rəsmi səfəri başlayıb.

APA-nın məlumatına görə, onu Heydər Əlieyev Beynəlxalq Aeroportunda baş nazirin Əli Əhmədov, xarici işlər nazirinin müavini Xələf Xələfov və Türkiyənin Azərbaycandakı səfiri İsmayıl Alper Coşkun qarşılayıblar.

Baş naziri Türkiyə Milli Kəşfiyyat İdarəsi rəhbəriHakan Fidan, Xarici İşlər Nazirliyinin Aparat rəhbəri Firudin Sinirlioğlu, Türkiyə qida, heyvandarlıq və kənd təsərrüfatı naziri Faruk Çelik, baş nazirin müavini Mehmet Şimşek, enerji və təbii qaynaqlar naziri Berat Albayrak və digərləri müşayiət edirlər.

Bu gün və sabah davam edəcək səfər çərçivəsində Əhməd Davudoğlu Azərbaycan prezidenti İlham Əliyev, baş nazir Artur Rasizadə ilə görüşəcək, sabah ADA Universitetində mühazirə oxuyacaq.

Görüşlərdə Dağlıq Qarabağ münaqişəsi başda olmaqla regional və beynəlxalq məsələlər müzakirə olunacaq.

Şərh Yaz