Nazir xəstə şairi kabinetinə gətirtdi - tənqid olundu (FOTOLAR)

Bölmə: Mədəniyyət, BLOK XƏBƏR

05 sentyabr 2019 14:14 Baxış: 231 Şərh: 0 Çap

Xəbər verdiyimiz kimi, Prezident İlham Əliyevin 25 may 2019-cu il tarixli sərəncamı ilə Azərbaycan mədəniyyətinin inkişafında xidmətlərinə görə görkəmli şair, Yazıçılar Birliyinin üzvü Musa Yaqub “Xalq şairi” fəxri adlarına layiq görülüb.

Xalqinfo.az xəbər verir ki, Parkinson xəstəliyindən əziyyət çəkən, Musa Yaqub fəxri adın nişanını və vəsiqəsini almaq üçün Mədəniyyət Nazirliyinə dəvət olunub.

Bu gün Mədəniyyət naziri Əbülfəs Qarayev Xalq şairinə fəxri adın nişanını və vəsiqəsini təqdim edib.

“Xalq şairi” kimi yüksək fəxri ada layiq görüldüyünə görə Prezident İlham Əliyevə minnətdarlığını bildirən Musa Yaqub ölkə başçısının həmişə yaradıcı insanlara diqqət və qayğı göstərdiyini dedi. Qocaman şair Azərbaycan poeziyasının gələcəyindən nikbin olduğunu vurğuladı. Qeyd etdi ki, bu gün istedadlı gənc yazarlar böyük ənənələri olan Azərbaycan ədəbiyyatını yeni ideyalarla zənginləşdirirlər. Şair gənc qələm sahiblərinin ona olan münasibətindən də razılığını bildirdi.

Nazir Əbülfəs Qarayev sonda bir daha Musa Yaqubu fəxri ad münasibətilə təbrik etdi, ona möhkəm cansağlığı və yeni-yeni əsərlərlə oxucularını sevindirməsini arzuladı. Əbülfəs Qarayev onu diqqətə çatdırdı ki, Mədəniyyət Nazirliyinin dəstəyi ilə bu ilin sonunda şairin yeni kitabı işıq üzü görəcək.

Qeyd edək ki, mütəmadi olaraq ziyalılarımız uzun müddətdir xəstəlikdən əziyyət çəkən şair Musa Yaqubu İsmayıllı rayonu Buynuz kəndindədki evində ziyarət edirlər. Nazir Əbülfəs Qarayevin Musa Yaqubu bu halında nazirliyə gətizdirməsi sosial şəbəkələrdə hər kəsin tənqidinə səbəb olub.

Şərh Yaz