Nazirlikdən maraqlı layihəBölmə: Mədəniyyət
Mədəniyyət Nazirliyi Azərbaycanın musiqi mədəniyyətinin təbliğ edilməsi, mədəniyyət obyektlərinə marağın daha da artırılması məqsədilə “Şərqin musiqi paytaxtına səyahət” adlı mədəni marşrut layihəsi hazırlayıb. Xalqinfo.az xəbər verir ki, marşrutun proqramına görkəmli musiqi xadimlərinin ev-muzeyləri, abidələri, teatr və konsert müəssisələri, nümayiş obyektləri, musiqi xadimləri haqqında qısa məlumatlar və fotolar əlavə edilib. “Şərqin musiqi paytaxtına səyahət” mədəni marşrutunun proqramı 4 günlük nəzərdə tutulub, lakin gələcəkdə turizm şirkətləri tərəfindən proqram qonaqların istəyinə əsasən uyğunlaşdırıla bilər. Qeyd olunan layihənin həyata keçirilməsi Azərbaycanın musiqi mədəniyyətinin geniş şəkildə təbliğinə, ölkəmizin musiqi xadimlərinin tanıdılmasına və mədəni sənayenin inkişafına öz töhfəsini verəcəkdir. Bununla yanaşı, hər il ölkəmizdə müxtəlif beynəlxalq musiqi festivallarının keçirildiyi nəzərə alsaq, “Şərqin musiqi paytaxtına səyahət” mədəni marşrutu ölkəmizə gələn əcnəbi qonaqlar arasında növbəti il üçün keçirilməsi nəzərdə tutulan Rostropoviç Beynəlxalq Musiqi Festivalı, “Jara-2019” Beynəlxalq Musiqi Festivalı, Qəbələ Beynəlxalq Musiqi Festivalı, Üzeyir Hacıbəyli Beynəlxalq Musiqi Festivalı və Bakı Beynəlxalq Caz Festivalına marağın daha da artmasına və onların asudə vaxtlarının səmərəli şəkildə təşkilinə zəmin olacaqdır. Marşrutun proqramı ilə tanış olmaq üçün aşağıdakı linkdən istifadə edə bilərsiniz: http://mct.gov.az/medias/media/other/410/musiqi-turu.pdf |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|