Berlində Əşrəf Heybətovun sərgisi keçirilirBölmə: Mədəniyyət
 Avqustun 18-də Berlində Azərbaycan rəssamı Əşrəf Heybətovun sərgisi açılıb. “Tənha qadının çiçəkləri” adlanan sərgidə rəssamın son illərdə çəkdiyi 70 əsər nümayiş olunur. Bu haqda Musavat.com-a danışan Əşrəf Heybətov sərginin Almaniyada böyük maraqla qarşılandığını deyib:“Son illər Almaniyada – Koblints şəhərində yaşayıram. Orada bir neçə sərgim keçirilib. Bu dəfə əsərlərimi Berlində sərgiləmək dəvəti aldım. Sərgini Berlin və Koblints şəhərlərinin rəhbərləri birgə təşkil edib. Rəssamlarla, sənətsevərlərlə yanaşı mərasimə meriya rəhbərliyi də qatılmışdı Almanlarla söhbətimdə onlar əsərlərimdəki isti rəngləri və insan xarakterlərini bəyəndiklərini bildirirlər”. İyun ayının 5-12-də isə Əşrəf Heybətovun Lixtenşteyn knyazlığında sərgisi keçirilib:“İndiyə qədər Lixtenşteyndə heç bir Azərbaycan rəssamının sərgisi olmayıb. Bu, Avstriya və Macarıstanın qovşağında yerləşən əsrarəngiz Lixtenşteyndə Azərbaycan rəngkarlıq sənəti ilə bağlı ilk fərdi sərgi idi. Avropa insanının məişətində sənət çox önəmli yer tutur. Yeni mədəniyyətləri, yeni tendensiyaları tanımaq onlar üçün hər zaman çəkicidir. Bu səbəbdən sərgiyə maraq böyük oldu”. Rəssam bildirir ki, yaxın zamanlarda Koblintsdə yeni sərgi hazırlıqlarına başlanacaq.  
|
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
