Qarayev adına Mərkəzi İncəsənət Məktəbinin hesabat konserti keçirildiBölmə: Mədəniyyət
Mayın 26-da Azərbaycan Dövlət Filarmoniyasında Qara Qarayev adına Mərkəzi İncəsənət Məktəbinin hesabat konserti keçirilib. “Xalqinfo” xəbər verir ki, İncəsənət Məktəbinin 80 illik yubileyinə və 28 May Respublika gününə həsr olunmuş konsert Mədəniyyət və Turizm Nazirliyinin dəstəyilə baş tutub. Gecədə Qara Qarayev adına Mərkəzi İncəsənət Məktəbinin direktoru Əziz Qarayusifli, Mədəniyyət və turizm nazirinin müavini Sevda Məmmədəliyeva və başqaları iştirak ediblər. Proqramda dünya şöhrətli bəstəkarlardan İ. S. Bax, Y. Haydn, E. Qriq, S. Prokofyev, D. Şostakoviç, S. Raxmaninov, V. Şyolokov, İ. Albenis, F. Vaksman və Niyazinin əsərləri səsləndirilib. Konsertdə məktəbin istedadlı şagirdlərindən Quliyeva Jalə, Əliyeva Nərgiz, İbrahimova Nailə, Şahgəldiyev Əlipaşa, Əliyeva Münəvvər, İbrahimova Lalə, Yusifzadə Cavid və başqalarının ifaları dinlənilib. Qeyd edək ki, Yusifzadə Cavid gənc istedad kimi bu il Fransa Konservatoriyasında təhsil almaq hüququ qazanıb. İfaçıları Ü. Hacıbəyli adına Azərbaycan Dövlət Simfonik Orkestri, dirijor, Əməkdar artist Fuad İbrahimov müşayiət edib. |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|