Heç yerdə çap olunmayan qəzəl

Bölmə: Mədəniyyət

11 may 2017 15:11 Baxış: 198 Şərh: 0 Çap

Bu iki qəzəli Xalq şairi Qabil 1944-cü ildə – 18 yaşında yazıb. Və bugünə qədər heç bir yerdə çap olunmayıb.

QƏZƏLLƏR

Rəhm eylə mənə sevgili-cananım amandır

Ərşü-fələyə qalxmada əfqanım amandır.

Fəvvarə kimi axmağa göz yaşlarım ah! Ah!

İnsaf elə, imdad elə sultanım amandır.

Qabil, sənə əlbəttə yaraşmaz, bilirəm mən,

Əqlin var isə söyləmə “Xəndanım” amandır.

***

Gəl, gülüm, gəl, sevgilim, sən novbaharımsan mənim,

Aləmi-dünyada sən sevdalı yarımsan mənim.

Mən sənin eşqinlə, ey gül, şad olan bülbül.

Müşk-ənbərtək ətirli laləzarımsan mənim.

Heç kəsin səntək gözəl bir yarı yoxdur dünyada,

Ən böyük fəxrim, şanım, tacidarımsan mənim.

Sən də Nikbin, mən də Nikbin dəhrdə azadəyim,

Sən səadət ulduzum, həm bəxtiyarımsan mənim.

QABİL NİKBİN

1944-cü il

Şərh Yaz