Xocalı-25: Parisdə "Sülh naminə rəsm çəkək" tədbiriBölmə: Mədəniyyət, GÜNDƏM
Parisdə Azərbaycan Mədəniyyət Mərkəzində “Azərbaycan Evi” Xocalı soyqırımının 25 illiyi ilə əlaqədar uşaqlar iştirakı ilə “Sülh naminə rəsm çəkək” adlı tədbir təşkil edib. Təbirdə ölkəmizin Fransadakı səfiri Elçin Əmirbəyov, “Azərbaycan Evi”nin sədri Mirvari Fətəliyeva, Əməkdar Rəssam Əsmər Nərimanbəyova, rəssam Nigar Nərimanbəyova, valideynlər iştirak ediblər. Mirvari Fətəliyeva “Azərbaycan Evi”nin 25 il əvvəl - 1992-ci il fevralın 24-də Ramiz Abutalıbov və Timouçin Hacıbəyli tərəfindən təssis edildiyini diqqətə çatdırıb. O, həyata keçirdikləri tədbirlərdən söz açıb, Xocalı soyqırımı və bugünkü tədbirin məqsədi haqqında məlumat verib. Bildirib ki, müsabiqǝ xarakterli bu tǝdbirdǝ uşaqlar Xocalı soyqırımını yad edǝrǝk, soyqırım qurbanlarının xatirəsinə vǝ sülhǝ həsr olunan rǝsmlǝr çǝkǝcǝklǝr. Səfir Elçin Əmirbəyov tariximizin qanlı səhifəsi olan Xocalı soyqırımından danışıb. Qeyd edib ki, doğma vətəndən uzaqda yaşayan uşaqlar tariximizi, şəhidlərimizin qəhrəmanlığını heç vaxt unutmamalıdırlar. Bu baxımdan belə tədbirlərin təşkilinin əhəmiyyətinə toxunub. Sonra uşaqlar Xocalı soyqırımı ilə bağlı xəyallarında canlandırdıqları obrazları kağız üzərinə köçürüblər. Bəziləri Xocalı qurbanlarının xatirəsinə şam və qərənfil, digərləri isə sülh rəmzi olan göyərçin şəkli çəkiblər. Qeyd edək ki, uşaqların rəsmləri Azərbaycan Mədəniyyət Mərkəzində sərgilənəcək. |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|