Pəncərələr enerji istehsal edəcək -
14-09-2017, 04:47. Yerləşdirdi: sefa
ABŞ-ın “SolarVindov Texnologiya” startapı tərəfindən pəncərələr üçün maye örtük hazırlanıb.
Xalqinfo.az xarici mediaya istinadən xəbər verir ki, yeni material pəncərələri elektrik enerjisi hasil edən günəş panellərinə çevirir.
Şüşə və ya ikiqat plastik pəncərə sistemlərinin üzərinə çəkilən örtük quruduqdan sonra karbon materialı, hidrogen, azot və oksigendən ibarət nazik şəffaf plyonka yaradır. Bu örtükdən keçən günəş işığı elektrik enerjisi hasil edir.
Şirkətin baş direktoru Con Konklinin sözlərinə görə, “SolarVindov” adi günəş panelləri ilə müqayisədə şəffaf olduğundan elektrik enerjisinin hasili zamanı arxitekturanın gözəlliyini qoruyub saxlayır.
Qeyd edək ki, sözügedən maye örtüyü öncə böyük şəhər binaları və göydələnlərdə tətbiq etmək planlaşdırılır.
Geri qayıt