Lujkovun ölüm səbəbi dəqiqləşdiMoskvanın eks-meri Yuri Lujkovun ölümünə səbəb infarkt olub. “Xalqinfo”nun “REN TV”yə istinadən məlumatına görə, bunu siyasətçinin müalicə olunduğu Münhenin “Qrosshadern” klinikasının baş həkimi Karl-Valter Yaux açıqlayıb. Yauxun sözlərinə görə, Lujkovun ürək xəstəliyi olub və onu təcili şəkildə xəstəxanaya çatdırıblar, müayinə ediblər. Müayinə onun bütün vacib damarlarının bağlı olduğunu göstərib. Həkimin sözlərinə görə, onları kateter vaitəsilə açıblar və bundan sonra Lujkovun vəziyyəti yaxşılaşıb, amma tezliklə onda ürəyin koronar damarlarından qanaxma müşahidə olunub. Bir qədər sonra ürək dayanıb. “O, infarkt keçirmişdi və özünü pis hiss edirdi”, - tibb işçisi əlavə edib. Daha əvvəl “Baza” teleqram-kanalı Y. Lujkovun əməliyyatdan bir gün sonra vəfat etdiyini bildirmişdi. Onun ürək əməliyyatından sonra anesteziyadan ayılmadığı qeyd olunmuşdu. Xatırladaq ki, Yuri Lujkov 83 yaşında Münhendəki xəstəxanada dünyasını dəyişib. O, 1992-2010-cu illərdə Moskva şəhərinin meri olub. |
XƏBƏR LENTİ
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|