Nazirlik: "İyul ayında ən sərin hava 1918-ci ildə qeydə alınıb"Bölmə: MANŞET
“İyul ayı respublikamızda ən isti aydır, ona görə də nisbətən belə sərin hava bu ay üçün səciyyəvi deyil”. Bunu APA-ya Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin direktoru Umayra Tağıyeva deyib. O bildirib ki, adətən iyul ayında temperatur 40 dərəcəyədək yüksəlir: “2010-cu il iyulun 12-də və 2011-ci il iyulun 22-də Bakıda temperaturun maksimum həddi 40 dərəcə olub. 2018-ci il iyulun 1-də Bakıda anomal isti hava şəraiti müşahidə edilib. Həmin gün havanın maksimal temperaturu 42.7 dərəcə isti təşkil edib ki, bu da rekord həddini, yəni mütləq maksimumu keçib”. U. Tağıyevanın sözlərinə görə, iyul ayında Bakıda ən sərin hava 1918-ci ildə, ayın 30-da qeydə alınıb: “Həmin gün havanın minimal temperaturu 12.2 dərəcə isti olub”. ETSN rəsmisi qeyd edib ki, 2012-ci il iyulun 15-də Bakıda güclü leysan yağışı yağış, sutka ərzində aylıq normadan 10 dəfə çox yağıntı qeydə alınıb: “2016-cı il iyulun 23-də Bakıda şimal küləyinin maksimal sürəti 28 m/s, arabir 30-35 m/s-dək çatıb”. Qeyd edək ki, iyulun 12-si axşamdan 13-ü səhərədək ölkə ərazisində hava şəraiti qeyri-sabit keçib, bəzi şimal və qərb rayonlarında şimşək çaxıb, yağış yağıb. |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|