Şəhidimizin qisası alındı, iki düşmən hərbçisi məhv edildiBölmə: MANŞET
Azərbaycan və Ermənistan qoşunlarının bütün təmas xətti boyu şiddətli mövqe döyüşlərinin getdiy bir vaxtda düşmən ordusu yeni itkilərini açıqlayıb. Virtualaz.org saytı erməni KİV-lərinə istinadən xəbər verir ki, qondarma “DQR müdafiə nazirliyi” müqavilə əsasında xidmət keçən iki hərbçisinin Qarabağda Azərbaycan silahlı qüvvələrinin apardığı döyüş əməliyyatları nəticəsində həlak olduğunu açıqlayıb. Bunlar işğalçı ordunun hərbi qulluqçuları Marat Xaçanyan və Arman Stepanyandır. Təfərrüatlar barədə məlumat verilmir. Xatırladaq ki, bu, son günlər erməni işğalçı qüvvələrinin cəbhədə gedən döyüşlərdə rəsmən təsdiqlənən ilk itkiləri deyil. Bu gün səhər Ermənistan Müdafiə Nazirliyi bir hərbçisinin Qazax rayonu istiqamətində gedən döyüşlərdə ağır yaralandığını açıqlayıb, sentyabrın 3-də isə həmin istiqamətdə bir erməni hərbçisi məhv edilib. Azərbaycan Müdafiə Nazirliyi düşmənin itkilərinin əslində daha çox olduğunu bildirir. Azərbaycan ordusu da cəbhə boyu gedən döyüşlərdə itki verib, bu gün bir əsgərimizin Murov istiqamətində düşmən gülləsinə tuş gələrək şəhid olduğu haqda xəbərlər yayılıb. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|