Azərbaycan MDB-nin ən güclü 4-cü ordusuna malikdir

Bölmə: MANŞET

28 aprel 2014 19:19 Baxış: 923 Şərh: 0 Çap

Azərbaycan MDB-nin ən güclü 4-cü ordusuna malikdir

Azərbaycan postsovet məkanının ən güclü 4-cü ordusuna malikdir. ANS PRESS-in məlumatını görə, bu məlumat “Global Firepower” saytının hər il tərtib etdiyi dünyanın ən güclü orduları siyahısında yer alıb. 106 ölkənin yer aldığı siyahıda ölkənin ümumi iqtisadi gücü və strateji qaynaqlara yaxınlığı kimi bir çox amillər nəzərə alınıb.

MDB məkanından siyahıda ən yüksək yer Rusiyaya məxsusdur. Moskva siyahının 2-ci pilləsində yer alır. Rusiyanın müdafiə büdcəsi 76 milyard dollar səviyyəsindədir. 766 min aktiv kadrı olan Rusiya ordusunun 2 milyon 485 min ehtiyat kadrı var.

Siyahıda 21-ci yerdə gələn Ukraynanın hərbi büdcəsi 4,8 milyard dollardır. Aktiv hərbi kadrları 160 min, ehtiyatda olan hərbi kadrları isə 1 milyondur.

Özbəkistan siyahıda 48-ci yerdədir. Bu MDB ölkəsinin hərbi büdcəsi 70 milyon dollar olsa da, iqtisadi potensialı və insan ehtiyatları onu MDB üçüncüsü edib. Ölkənin aktiv hərbi kadrları 65 min, ehtiyatda olan hərbi kadrları isə 20 mindir.

MDB və postsovet məkanı üzrə dördüncülük isə Azərbaycana məxsusdur. Ölkəmizin hərbi büdcəsi 3,185 milyard dollar, aktiv hərbi kadrları 67 min, ehtiyatda olan hərbi kadrları isə 300 mindir.

“Global Firepower”un siyahısında 52-ci olan Belarusun hərbi büdcəsi 725 milyon dollar, aktiv hərbi kadrları 62 min, ehtiyatda olan hərbi kadrları isə 290 mindir.

Cənubi Qafqazın ikinci ordusuna malik Gürcüstan isə bu siyahıda 64-ci yeri tutur. Ölkənin hərbi büdcəsi 380 milyon dollar, aktiv hərbi kadrları 37 min, ehtiyatda olan hərbi kadrları isə 140 mindir.

Postsovet məkanından siyahıda yer alan axırıncı ölkə isə Qazaxıstandır. Siyahıda 80-ci yeri tutan bu ölkənin hərbi büdcəsi 2,435 milyar dollar, aktiv hərbi kadrları 110 min, ehtiyatda olan hərbi kadrları isə 318 mindir.

106 ölkənin yer aldığı siyahıya postsovet məkanından başqa heç bir ölkənin, o cümlədən Ermənistanın da adı düşməyib.

Ümumiyyətlə isə siyahıda ilk 11 yer aşağıdakı ölkələrə məxsusdur:

1. ABŞ
ABŞ-ın müdafiə büdcəsi 612 milyard dollar səviyyəsindədir. Dünyadakı bütün digər ordulardan daha çox döyüş təyyarəsi olan ABŞ elektromaqnit güclə çalışan uzaqmənzilli silahlar kimi son texnologiyalara sərmayə qoyur. ABŞ-ın əlindəki ən böyük şərti üstünlük isə donanmasındakı təyyarə daşıyan gəmilərdir. ABŞ donanması tək başına 19 təyyarə daşıyan gəmiyə sahibdir, halbuki dünyadakı digər bütün ölkələrin ümumi təyyarə daşıyan gəmi sayı 12-dir.

2. Rusiya
Kremlin müdafiə xərclərinin önümüzdəki üç ildə 44% artması gözlənilir. Rusiyanın müdafiə büdcəsi 76 milyard dollar səviyyəsindədir. 766 min aktiv kadrı olan Rusiya ordusunun 2 milyon 485 min ehtiyat kadrı var. Ölkənin qarşılaşdığı ən böyük müdafiə problemi isə gün keçdikcə köhnələn tanklarıdır.

3. Çin
Çinin müdafiə xərcləri bir ildə 12% artmış vəziyyətdədir. Çin ordusunun 2 milyon 285 min aktiv kadrı var. Ehtiyatların sayı isə 2 milyon 300 mindir. Çin müdafiəyə 126 milyard dollar xərcləyir.

4. Hindistan
Hindistan dünyanın ən böyük hərbi sursat idxalatçısıdır. Ölkənin müdafiə xərcləri 46 milyard dollar ətrafındadır. Hindistanın əlində Pakistan və Çini vura biləcək mənzilə sahib ballistik raketlər var.

5. İngiltərə
İngiltərə 2018-ci ildə qədər silahlı qüvvələrinin miqyasını 20% azaltmağı planlaşdırır. Ölkənin müdafiə xərcləri 54 milyard dollara çatır. İngiltərə 40 təyyarə tutumlu yeni bir təyyarə daşıyan gəmisini 2020-ci ildə istifadəyə verməyi planlaşdırır.

6. Fransa
Son olaraq Mərkəzi Afrika Respublikası, Mali və Liviyadakı hərbi əməliyyatlarda önə çıxan Fransa müdafiəyə ildə 43 milyard dollar xərcləyir. Ölkə illik milli gəlirinin 2%-ni silahlanmaya xərcləyir.

7. Almaniya
İkinci Dünya müharibəsindən sonra döyüş əleyhdarı olan Almaniyanın yalnız müdafiəyə istiqamətli bir ordu qurmasına icazə verilmişdi. Yuqoslaviyanın dağılmasından sonra daha təsirli bir rol oynamağa başlayan Almaniya ordusunun illik xərcləri 45 milyard dollar səviyyəsindədir. Almaniyanın toplam 183 min əsgəri var.

8. Türkiyə
Türkiyənin hərbi xərclərinin 2014-cü ildə 9,4% artması gözlənilir. Beynəlxalq sülh əməliyyatlarında rol oynayan Türkiyənin müdafiə büdcəsi 18,2 milyard dollardır.

9. Cənubi Koreya
Şimal qonşusunun üzündən davamlı olaraq müdafiə xərclərinin artıran ölkənin müdafiə büdcəsi 34 milyard dollardır. Ölkədəki hərbi kadrların sayı 640 mindir. Ehtiyat kadr sayı isə 2 milyon 900 mindir.

10. Yaponiya
Yaponiya 11 il fasilədən sonra ilk dəfə müdafiə xərclərini artırıb. 247 min kadrı olan Yaponiya silahlı qüvvələrinin ümumi xərcləri 49 milyard dollardır.

11. İsrail
2009-ci ildə silahlanmaya büdcəsinin 18%-ini xərcləyən İsrailin xərclərinin çoxu "Dəmir Qübbə" kimi müdafiə sistemlərinə gedir. İsrailin müdafiə xərcləri təxminən 15 milyard dollardır.

Mənbə
ANS PRESS

Şərh Yaz