DataLife Engine > Информация, Sosial, Din > Başına papaq qoyan, saqqal saxlayana “mollalıq vəsiqəsi” verirlər-

Başına papaq qoyan, saqqal saxlayana “mollalıq vəsiqəsi” verirlər-


12-06-2017, 17:02. Yerləşdirdi: Leyla Başına papaq qoyan, saqqal saxlayana “mollalıq vəsiqəsi” verirlər-
Qafqaz Müsəlmanları İdarəsinin (QMİ) sədri Hacı Allahşükür Paşazadənin qardaşı, Milli Məclisin deputatı Cavanşir Paşazadə QMİ-nin Cənub Regional qazisi Hacı Mirqiyas Təhməzov tərəfindən Elnur Tağıyevə seyidlik vəsiqəsi verilməsi məsələsinə münasibət bildirib.

Xalqinfo.azməlumatına görə, C.Paşazadə ölkə.az-a açıqlamasında deyib ki, hər hansı bir vətəndaşa seyidlik vəsiqəsinin verilməsi yolverilməzdir:

“Normal din adamı kiməsə seyidlik vəsiqəsi verə bilməz. Ümumiyyətlə, seyidliyin vəsiqəsi olmur. Bunu edənlər cahil, avam adamlardır. Kiminsə kimdənsə seyidlik alması ağlagəlməz və cəfəng düşüncələrdir. Bunun dinlə heç bir əlaqəsi yoxdur. Bəzi adamlar var ki, başına papaq qoyan, saqqal saxlayan adama “mollalıq vəsiqəsi” verirlər. Bu cür hallar doğru deyil”.

Şeyxin qardaşı Hacı Mirqiyas Təhməzovun sözügedən hərəkətinə görə cəzalandırılacağını da istisna etməyib:

“Bildiyimə görə, QMİ-nin Cənub Regional qazısı tərəfindən belə bir vəsiqə verilməyib. Yəqin ki, bu məsələ araşdırılacaq. Əgər araşdırma nəticəsində QMİ-nin Cənub Regional qazisi tərəfindən doğrudan da belə bir vəsiqənin verilməsi faktı aşkar olunarsa, o zaman yəqin ki, həmin adam işində verdiyi nöqsana görə vəzifəsindən çıxarılacaq. Ancaq yenə də deyirəm ki, mən QMİ-nin Cənub Regional qazısının bu cür hərəkətlərə yol verdiyinə inanmıram”.

Xatırladaq ki, Qafqaz Müsəlmanları İdarəsinin Cənub Regional qazısı Hacı Mirqiyas Təhməzov Elnur Tağıyevə seyidlik vəsiqəsi verməsi sosial şəbəkələrdə geniş müzakirələrə səbəb olub.

Leyla Həsənova
Geri qayıt