DataLife Engine > Kriminal > Fədayə Laçına azadlığa çıxa bilər

Fədayə Laçına azadlığa çıxa bilər


9-04-2019, 22:15. Yerləşdirdi: Tural Fədayə Laçına azadlığa çıxa bilər





Bu gün Bakı Apellyasiya Məhkəməsində məhbusların nəzarət altından qaçmasında təqsirləndirilərək 5 il azadlıqdan məhrum edilən müğənni Fədayə Laçın və onunla birlikdə təqsirləndirilən 12 nəfərin Bakı Ağır Cinayətlər Məhkəməsinin hökmündən verdikləri apellyasiya şikayəti üzrə növbəti məhkəmə prosesi keçirilib.

Xalqinfo.az xəbər verir ki, F.Laçının vəkili Nurəngiz Qarayeva Trend-ə açıqlamasında bildirib ki, o, prosesdə müdafiə çıxışı edib. Vəkil Fədayə Laçının ailə vəziyyəti və səhhətindəki problemin nəzərə alınmasını xahiş edib və məhkəmədən onun cəzasının şərti cəza ilə əvəz edilməsini istəyib.

Proses aprelin 15-də davam etdiriləcək.

Qeyd edək ki, Bakı Ağır Cinayətlər Məhkəməsinin hökmü ilə, Fədayə Laçın 5 il, Ceyhun Səmədov 9 il, Fuad Hacıyev 8 il 6 ay, Tural Poladxanov 8 il 6, Bəhruz Abdullayev 9 il, Əli Ağami 20 il, Günay Atakişiyeva 6 il, Aqil Nəcəfov 9 il, İsrafil Soltanov 7 il, Məhəmməd Hacıyev 7 il, Tərlan Zeynalov 7 il, Şahmar Əzizadə 7 il, Anar Əsgərov isə 7 il müddətinə azadlıqdan məhrum ediliblər.

Hökmdən narazı qalan təqsirləndirilən şəxslər Bakı Apellyasiya Məhkəməsinə şikayət vermişdilər.
Geri qayıt