DataLife Engine > Kriminal > Həbsdə olan iş adamının bəraət tələbi rədd edildi

Həbsdə olan iş adamının bəraət tələbi rədd edildi


13-11-2018, 11:40. Yerləşdirdi: sefa Həbsdə olan iş adamının bəraət tələbi rədd edildi
Ali Məhkəmə xuliqanlıq əməlinə görə həbsdə olan iş adamı Azadxan Xanməmmədovun bəraət tələbinə baxıb.

Xalqinfo.az Ali Məhkəmənin saytına istinadən xəbər verir ki, hakim Gülzar Rzayevanın sədrliyi ilə keçirilən məhkəmə prosesində həbsdə olan iş adamı Azadxan Xanməmmədovun barəsində bəraət hökmünün çıxarılması ilə bağlı şikayəti təmin edilməyib.

Məhkəmə kollegiyası Azadxan Xanməmmədovun Bakı Apellyasiya Məhkəməsi Cinayət Kollegiyasının 23 may 2018-ci il tarixli qərarından verdiyi şikayəti təmin etməyib onun barəsində verilmiş 3 illik azadlıqdan məhrumetmə cəzası qüvvədə saxlanılıb.

Qeyd edək ki, A.Xanməmmədov keçən ilin iyun ayında 20-yə yaxın idmançı ilə Binəqədi rayonu Mircəlal küçəsində yerləşən “Safastore” supermarketinə basqın təşkil etdiyi, kütləvi dava-dalaşa səbəb olduğu üçün tutulub və onun barəsində Cinayət Məcəlləsinin xuliqanlıq maddəsi ilə iş başlanılıb. Binəqədi rayon Məhkəməsi faktla bağlı A.Xanməmmədovu təqsirli bilərək onun barəsində 3 il müddətinə azadlıqdan məhrum cəzası verilib. İş adamı daha sonra Bakı Apelyasiya Məhkəməsinə də müraciət etsə də, bu instansiyada qərar dəyişdirilməyib.

Hazırda məlum olur ki, iş adamı Azadxan Xanməmmədov barəsində Binəqədi rayon Prokurorluğunda AR CM-nin 178.3.2-ci (dələduzluq, külli miqdarda zərər vurmaqla törədildikdə) maddəsi ilə də cinayət işi açılıb. Belə ki, Azadxan Xanməmmədov mülkiyyəti satdığı şəxsin etibarından sui-istifadə etməklə 2014-cü ildə razılaşma əsasında 1500 000 manata satdığı əmlakı bu günə kimi qarşı tərəfin adına keçirməkdən müxtəlif bəhanələrlə boyun qaçırıb. Sonradan məlum olub ki, bu əmlak ona yox, oğlu Azər Xanməmmədovun adına imiş və A.Xanməmmədov mülkiyyəti satmamışdan xeyli əvvəl - 2010-cu ildə onu banklardan birinə girov qoyaraq külli miqdarda kredit götürüb.
Geri qayıt