Lerik sakini arvadını, qayınanasını və özünü öldürdüBölmə: Kriminal
Lerik rayonunda dəhşətli ailə faciəsi baş verib. Hadisə zamanı Lerik rayon sakini, 33 yaşlı Surətov Camaləddin Cəbrayıl oğlu şəxsi münaqişə zəminində qayınanası, 57 yaşlı Laləni və həyat yoldaşı, 24 yaşlı Məhsətini odlu silahla qətlə yetirib. Qatil bundan sonra uşaqlarını özü ilə götürərək doğulub boya-başa çatdığı rayonun Pirzəküçə kəndinə yollanıb və daha sonra orada özünü də ölümcül yaralayıb. Xəstəxanaya çatdırılan Camaləddin Surətovun həyatını xilas etmək mümkün olmayıb. Qətlin səbəbləri barədə hər hansı bir açıqlama verilmir. Məlumata görə, qətl hadisəsini törədən şəxs Sumqayıt şəhərində işləyib, iki gün öncə isə ailəsinin yanına rayona qayıdıb. Faktla bağlı Lerik rayon prokurorluğu və polis şöbəsində araşdırmalara başlayıblar. Ailə faciəsinin səbəblərini istintaq araşdırmaları müəyyən edəcək.ans |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|