Qızla münasibətdə olan kişi evlənməklə “cəzalandırıldı” - BakıdaBölmə: Kriminal
Bakıda evlənməkdən imtina edən kişiyə qarşı "Zorlama" maddəsi ilə cinayət işi açılacaqdı. Xalqinfo.az xəbər verir ki, bununla bağlı "Sputnik Azərbaycan" Bakı şəhər Yasamal rayonu polis idarəsinə istinadən məlumat yayıb. Zorlanma ilə bağlı şikayət oktyabrın 22-də Yasamal rayonu 22-ci polis bölməsinə daxil olub. Şikayətdə 19 yaşlı paytaxt sakini A.D. tanışı olan Aqşin adlı şəxs (etik səbəblərdən ad dəyişdirilib) tərəfindən zorlandığını bildirib. O bildirib ki, bu ilin sentyabrında tanışı onu "Elmlər Akademiyası" metro stansiyasının yaxınlığında yerləşən bir evə aparıb və orada zorlayıb. İkinci dəfə qız oktyabrın 7-də Ağdaş rayonunda Aqşinin evində olub. Şikayətçi qeyd edib ki, indi o, hamiləliyin ikinci ayındadır. Polisdən bildirilib ki, aparılan araşdırmalar zamanı zorlanmanın olmadığı müəyyənləşib. Gənclər yaxın münasibətdə olublar. Hüquq-mühafizə orqanlarından bildirilib ki, zorlanma haqqında şikayət qızın anasına hamiləliyini başa salmaq cəhdidir. Ana qızının polisə şikayət etməsini təkid edib. Gənc oğlana qarşı zorlama ittihamı onun qızla evlənməkdən imtina etməsi nəticəsində ortaya çıxıb. Qız ümid edirdi ki, oğlan onunla evlənəcək və buna görə münasibətlərini gizli saxlayırdı. Ancaq onun hamilə olması ilə münasibətlər üzə çıxıb. Qısası, Aqşinə cinayət ittihamından qaçmaq üçün evlənmək təklif edilib. Polisdən bildirilib ki, oğlan razılaşıb. Eyni zamanda, faktla bağlı araşdırmalar davam edir. Faktla bağlı toplanmış materiallar Ağdaş rayon polis idarəsinə göndərilib. |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|