» » Xoşqədəmin ifşa etdiyi qatil ata ilə oğula ömürlük həbs cəzası verildi

Xoşqədəmin ifşa etdiyi qatil ata ilə oğula ömürlük həbs cəzası verildi

Bölmə: Kriminal, BLOK XƏBƏR, MANŞET
Xoşqədəmin ifşa etdiyi qatil ata ilə oğula ömürlük həbs cəzası verildiSentyabrın 7-də Lənkəran Ağır Cinayətlər Məhkəməsində 2014-cü ilin mart ayının 6-da yaşadıqları Salyan rayonunun “Zavod” məhəlləsindəki evlərində həyat yoldaşını və 4 qızını xüsusi amansızlıqla qətlə yetirən 64 yaşlı Fərhad Məhərrəm oğlu Əliyevə və oğlu 28 yaşlı Fəqan Fərhad oğlu Əliyevə hökm oxunub.

Xalqinfo.az-ın Virtualaz.org-a istinadən məlumatına görə, Cinayət Məcəlləsinin 120.2.1-ci Maddəsi (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürmə) və 120.2.7 Maddəsi ilə təqsirləndirilərək 5 nəfər ailə üzvünü qətlə yetirərək 4 ilə yaxın yaşadıqları evin yataq otağının zirzəmisində basdırmış hər iki şəxs ömürlük olaraq azadlıqdan məhrum edilib.

Xatırladaq ki, bu müdhiş cinayət hadisəsinin üstünün açılması barədə ilk məlumat ötən ilin dekabr ayında virtualaz.org saytında getmişdi. Belə ki, ötən ilin dekabr ayının 6-da Salyanda 3 il əvvəl itkin düşmüş ana və 4 qızının həyat yoldaşı tərəfindən qətlə yetirilərək yaşadıqları evdə basdırıldığı məlum olub. 2014-cü ildə Salyan şəhərinin “Zavod” məhəlləsində yaşayan 56 yaşlı Mehparə Nadir qızı Əliyeva dörd qızı - 32 yaşlı İradə, 19 yaşlı Rəqibə, 30 yaşlı Sevda və 26 yaşlı Ümidə ilə birlikdə itkin düşmüşdü. Ailənin başçısı Fərhad Məhərrəm oğlu Əliyevin içki düşkünü olması ucbatından yaşanan münaqişələrə görə qadının qızlarını götürərək Türkiyəyə getdiyi ehtimal olunsa da, onların Fərhad Əliyev tərəfindən öldürülərək oğlu Fəqanın köməkliyi ilə həyətlərində basdırıldığı məlum omuşdu.

Hadisənin açılmasına səbəb isə Xoşqədəm Hidayətqızının “Səni axtarıram” verilişində onlarla bağlı süjetin göstərilməsi olmuşdu. Belə ki, ana və qızlarının Türkiyəyə getməsi ehtimalının ictimailəşdirilməsini qeyrətsizlik kimi qəbul edən ata və oğul törətdikləri cinayəti etiraf etmişdilər.

Xoşqədəmin ifşa etdiyi qatil ata ilə oğula ömürlük həbs cəzası verildi
Xoşqədəmin ifşa etdiyi qatil ata ilə oğula ömürlük həbs cəzası verildi
Xoşqədəmin ifşa etdiyi qatil ata ilə oğula ömürlük həbs cəzası verildi
Xoşqədəmin ifşa etdiyi qatil ata ilə oğula ömürlük həbs cəzası verildi

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler