» » Xəstəxanada ər arvadını qətlə yetirdi-

Xəstəxanada ər arvadını qətlə yetirdi- Haciqabulda

Bölmə: Kriminal
Xəstəxanada ər arvadını qətlə yetirdi-
Hacıqabul rayon mərkəzi xəstəxanasında ər arvadını bıçaqla qətlə yetirib.


“Xalqinfo.az” xəbər verir ki, Hacıqabul rayon prokurorluğundan APA-ya verilən məlumata görə, hadisə bu gün iş gününün sonunda, saat 17.30 radələrində xəstəxananın foyesində baş verib.

Hacıqabul sakini əvvəllər məhkum olunmuş, 1968-ci il təvəllüdlü Əhmədov İslam Abxan oğlu həyat yoldaşı 1963-cü il təvəllüdlü Əhmədova Bacxanım Məlik qızını 4 bıçaq zərbəsi ilə qətlə yetirib. Sonuncu ürək aortasının kəsilmiş yarası, döş qəfəsinin arxa hissəsindən, sol qoltuğunun altından və bazu nahiyəsindən aldığı bıçaq yaralarından hadisə yerində dünyasını dəyişib. Hadisənin ailə münaqişəsi zəminində baş verdiyi bildirilir.

Bildirilir ki, Bacxanım Əhmədova Hacıqabul rayon mərkəzi xəstəxanasının baş tibb bacısı vəzifəsində çalışıb.

Tibb bacısının iş yoldaşlarının bildirdiyinə görə, onun həyat yoldaşı tüfeyli həyat tərzi yaşayırdı. Bu səbəbdən B.Əhmədova məhkəməyə boşanma ərizəsi ilə müraciət edib. Ehtimal olunur ki, qətl də elə bu zəmində baş verib.

Qətli törədən İslam Əhmədov polis tərəfindən saxlanılıb.

Faktla bağlı Hacıqabul rayon prokurorluğunda cinayət işi başlanıb, araşdırma aparılır.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler