Polis mayorunun ölümünə səbəb olan sürücü məhkəmə zalında həbs olunubBölmə: Kriminal
Polis mayorunun öldüyü qəzaya görə təqsirləndirilən şəxs qismində hakim qarşısına çıxarılan Samir Cəfərov məhkəmə zalında həbs edilib. Musavat.com xəbər verir ki, Bakı Ağır Cinayətlər Məhkəməsində iki nəfərin ölümünə səbəb olan avtomobil qəzası törətməkdə təqsirləndirilən şəxsin cinayət işi üzrə məhkəmə prosesi başa çatıb. Hakim Eldar Mikayılovun sədrliyi ilə keçirilən məhkəmə prosesində hökm oxunub. Hökmə əsasən təqsirləndirilən və ev dustaqlığında olan Samir Cəfərov 8 il müddətinə azadlıqdan məhrum edilib. Onun barəsində polis nəzarətinə verilmə qətimkan tədbiri dəyişdirilib və məhkəmə zalında həbs edilib. İki uşaq atası olan S.Cəfərov həm də ikinci qrup əlildir. Qeyd edək ki, avtomobil qəzası Xaçmazda baş verib. Samir Cəfərovun idarə etdiyi “VAZ 21015” markalı maşınla yolun əks tərəfindən gələn "VAZ 2106” markalı maşın toqquşub. "VAZ 2106”-da olan rayonun Müşkür kənd sakini 1964-cü il təvəllüdlü Dəmir Yol Nəqliyyatında Baş Polis İdarəsinin Xaçmaz xətt polis şöbəsinin əməkdaşı, mayor Məmmədov Cəfər Abbas oğlu və Ağdam rayon sakini, 1971-ci il təvəllüdlü Yarəliyev Allahverən Zülfüqar oğlu ölüb. Qəza zamanı həbs edilən Samir Cəfərov və qardaşı Cavid Cəfərov isə xəsarət alıblar. |
XƏBƏR LENTİ
10.03.24 10:58 | “Toplum TV” üzərindən yarım milyondan çox vəsait qeyri-qanuni Azərbaycana çatdırılıb
10.03.24 10:38 | Trampın Ukrayna ilə bağlı gizli planı – Bild
10.03.24 10:35 | Zaur Baxşəliyev, Lalə Azərtaş, Tolik, Xoşqədəm Baxşəliyeva, Elgiz Əkbər və Zaur Kamalla bağlı ŞOK YAZI
10.03.24 10:30 | Deputatın oğlu işdən çıxarıldı
10.03.24 10:25 | Tokayev sabah Bakıya gəlir
|