Nazir qardaşının məhkəmə işində yenidən ifadə veriləcəkBölmə: Kriminal
 Bu gün Bakı Ağır Cinayətlər Məhkəməsində dələduzluqda təqsirləndirilən Samir Nəbiyevin cinayət işi üzrə məhkəmə prosesi davam etdirilib. Məlumata görə, hakim Şəkər Məmmədovanın icraatında olan prosesdə sənədlərin tədqiqi mərhələsi keçirilib. Məhkəmə istintaqının tamamlanması təklifinə təqsirləndirilən S.Nəbiyevin vəkili Ceyhun Yusifov etiraz edib. O bildirib ki, zərərçəkmiş Əlikram Camalov yenidən dəvət olunub dindirilməli və bəzi xüsusatlar dəqiqləşdirilməlidir. Hakim bildirib ki, vəkil hansı xüsusatlar üzrə dindirilmə aparılmasını istəyirsə, onları yazılı olaraq məhkəməyə təqdim etməlidir. Sonra məhkəmə bu barədə qərar verəcək. C.Yusifov əlavə edib ki, təqsirləndirilən Samir Nəbiyev təkrar ifadə vermək istəyir. Onun bu vəsatəti təmin olunub. Növbəti iclasda S.Nəbiyev ifadə verəcək. Məhkəmə prosesi iyulun 19-da davam etdiriləcək. Qeyd edək ki, zərərçəkmiş Əlikram Camalov müdafiə sənayesi naziri Yavər Camalovun qardaşı, "Hacı Camalxan" Kəndli Fermer Təsərrüfatının təsisçisi və sahibidir. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
