Göyçayda yol polisi qəza törədib

Bölmə: Kriminal

12 aprel 2017 16:43 Baxış: 138 Şərh: 0 Çap

Göyçay rayonunda Dövlət Yol Polisinə (DYP) məxsus avtomobil qəza törədib.

Xalqinfo.az Report-a istinadən xəbər verir ki, hadisə günorta saat 15 radələrində Bakı-Şamaxı-Yevlax magistralının Göyçay şəhəri Natəvan küçəsindən keçən hissəsində qeydə alınıb.

Göyçay rayon sakini, 1951-ci il təvəllüdlü Rövşən Məmmədov idarə etdiyi “Opel” markalı minik avtomobili ilə köməkçi yoldan baş yola çıxan Göyçay Rayon Polis Şöbəsinin DYP bölməsinə məxsus, YPX əməkdaşı Elman Əliyevin idarə etdiyi “BMW” markalı, 99-YP-621 dövlət nömrə nişanlı avtomobillə toqquşub.

Qəza zamanı xəsarət alan olmasa da, hər iki avtomobilə ciddi ziyan dəyib.

Faktla bağlı araşdırma aparılır.

Leyla Həsənova

Şərh Yaz