Gəncədə ölümlə nəticələnən davaBölmə: Kriminal
Gəncədə iki nəfərin mübahisəsi bir nəfərin ölümü ilə nəticələnib. Xalqinfo.az xəbər verir ki, Gəncə şəhər Baş Polis İdarəsindən APA-nın qərb bürosuna verilən məlumata görə, şəhərin Kəpəz rayonu ərazisində bıçaqlanma hadisəsi baş verib. Şəmkir rayonu, Çinarlı kənd sakini, 1996-cı il təvəllüdlü Ayxan İbrahimli mübahisə zəminində Şəki rayon Cəfərabad kənd sakini, 1988-ci il təvəllüdlü Vasif Səmədovu bıçaqlayıb. Yaralı dərhal Gəncə şəhər Təcili Tibbi Yardım Xəstəxanasına çatdırılsa da onun həyatını xilas etmək mümkün olmayıb. Qətli törədən A. İbrahimli polis tərəfindən saxlanılıb. Məlumata görə, Vasif Səmədov qardaşı ilə Gəncədə diş texniki fəaliyyəti ilə məşğul olurmuş. Yaxınlarının verdiyi məlumata görə, Ayxan İbrahimli onların yanında texnikliyi öyrənirmiş. Hadisənin paltar üstündə yaranan mübahisə səbəbindən baş verdiyi bildirilir. Faktla bağlı Gəncə şəhər Prokurorluğunda cinayət işi açılıb, araşdırma aparılır. |
XƏBƏR LENTİ
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|