Azərbaycandakı əcnəbi məhkumların cinayət növləri açıqlanıb

Bölmə: Kriminal

15 fevral 2017 10:56 Baxış: 133 Şərh: 0 Çap

Dövlət Statistika Komitəsi 2016-cı ilin birinci yarısında məhkum olunmuş əcnəbilər və vətəndaşlığı olmayan şəxslərin sayını və məhkum olunduqları cinayət növlərini açıqlayıb.

Qurumun İnformasiya va ictimaiyyətləəlaqalər şöbəsinin müdiri Rafael Süleymanov Modern.az-ın sorğusuna cavab olaraq bildirib ki, sözügedən müddətdə cəmi 39 nəfər əcnəbi və vətəndaşlığı olmayan şəxslərin məhkumluğu qeydə alınıb.

Onlardan 2 nəfəri həyat və sağlamlıq əleyhinə olan cinayətlər, 6 nəfəri mülkiyyət əleyhinə olan cinayətlər, 9 nəfəri iqtisadi fəaliyyət sahəsində olan cinayətlər, 1 nəfəri ictimai təhlükəsizlik əleyhinə olan cinayətlər, 13 nəfəri narkorik vasitələrin və psixotrop maddələrin qanunsuz dövriyyəsi ilə əlaqədar cinayətlər, 1 nəfəri ictimai mənəviyyat əleyhinə olan cinayətlər, 3 nəfəri hərəkət təhlükəsizliyi və nəqliyyat vasitələrinin istismarı qaydaları əleyhinə olan cinayətlər, 4 nəfəri idarəetmə qaydası əleyhinə olan cinayətlər törətmiş şəxslərdir.

Sorğuya cavab olaraq o da qeyd olunub ki, Dövlət Statistika Komitəsində əcnəbilər və vətəndaşlığı olmayan məhkum olunmuş şəxslər haqqında yaş, cins, mənsub olduğu ölkə və azadlıqdan məhrum etmə müddətləri bölgüsündə statistik müşahidə aparılmır.

Şərh Yaz