“Avis”in direktoru məhkəmə zalından azad edildi

Bölmə: Kriminal

25 noyabr 2016 12:55 Baxış: 117 Şərh: 0 Çap

Bu gün Bakı Ağır Cinayətlər Məhkəməsində "Avis" apteklər şəbəkəsinin direktoru Elmir Məhərovun cinayət işi üzrə məhkəmə prosesi keçirilib.

Xalqİnfo.az xəbər verir ki, "Qafqazinfo"nun prosesdə iştirak edən əməkdaşının verdiyi xəbərə görə, hakim Əlövsət Abbasovun sədrliyi ilə keçirilən prosesdə müdafiə çıxışı olub.

E.Məhərovun vəkili Vüsal Orucov çıxış edərək müdafiə etdiyi şəxsin saxlanılması üçün hüquq mühafizə orqanlarının həyata keçdiyi əməliyyat tədbiri üzrə cinayət içi açılmayıb: "İstintaq gördü ki, bu işlə bağlı ittiham verə bilmir, 1-2 dərmanın qeydiyyata alınmaması ittihamını verdilər. "Nurafen" dərmanı ekspertizadan keçirilib, saxta deyil. Sadəcə seriya nömrəsi qeydiyyata alınmayıb, bunu da qanun qadağan etmir. Həmçinin, dərman daxili istehsal deyil, xaricdən gətirilib və gömrükdə qanuniliyi yoxlanılıb. Digər dərmanları isə "Avis"yox, "Avromed" firması gətirib. Məhkəmədə keçirilən ekspertiza zamanı da istintaqın müəyyən etdiyi məbləğin şişirdildiyi aydın oldu. Müdafiə etdiyim şəxs barəsində bəraət hökmü verilməsini istəyirəm".

E.Məhərov son söz deyərək vəkilinin çıxışı ilə razılaşdığını deyib.

Məhkəmə kollegiyası hökm oxumaq üçün müşavirəyə gedib. Müşavirədən qayıdab hakimlər hökmü elan ediblər.

Məhkəmə kollegiyasının hökmü ilə E.Məhərov 3 il şərti cəza alıb və məhkəmə zalından azadlığa buraxılıb.

Xatırladaq ki, ötən iclasda dövlət ittihamçısı çıxış edərək E.Məhərovun 10 il müddətinə azadlıqdan məhrum edilməsini istəyib.

Əlaqə üçün E-mail: Xalqinfo@mail.ru

BAKI. Şəfa Rasimqızı Xalqİnfo.az

Şərh Yaz