“Çovdarov dedi ki, brilliantları Eldar Mahmudova verəcək” - Zərərçəkən

Bölmə: Kriminal

23 noyabr 2016 16:03 Baxış: 153 Şərh: 0 Çap

Bu gün ləğv olunmuş Milli Təhlükəsizlik Nazirliyinin generalı Akif Çovdarov, idarə rəisləri - Səlim Məmmədov, Akif Əliyev və Orxan Osmanovun cinayət işi üzrə məhkəmə prosesi davam etdirilib.

“Xalqİnfo”nun verdiyi xəbərə görə, Bakı Hərbi Məhkəməsinin hakimi Həbib Həsənovun sədrliyi ilə keçirilən prosesdə A.Çovdarovun vəkili Şahin Rəfiyev vəsatət verərək cinayət işinə xitam verilməsini və müdafiə etdiyi şəxslərin təcridxanada görüşməsinə icazə verilməsini istəyib. Vəsatət baxılmamış saxlanılıb.

Bundan sonra, zərərçəkən Şahmar Qurbanov vəkillərin suallarına cavab verib. O, A.Çovdarova 500 min dollar, 9 ədəd 1 karatlıq, 1 ədəd də 3 karatlıq brilliant verdiyini deyib.

Ş.Qurbanov bildirib ki, A.Çovdarov növbəti dəfə 2 ədəd 4 karatlıq və 1 ədəd isə 5 karatlıq brillantları alarkən onları Eldar Mahmudova verəcəyini qeyd edib.

Vəkil deyib ki, A.Çovdarov nəfəs almaqda çətinlik çəkdiyi üçün günün ikinci yarısına kimi fasilə elan olunub.

Prosesdə zərərçəkmiş kimi tanınan "Read Farm" MMC-nin mühafizə xidmətinin rəisi Etibar Qasımovun ifadə verəcəyi gözlənilir.

Əlaqə üçün E-mail: Xalqinfo@mail.ru

BAKI. Şəfa Rasimqızı Xalqİnfo.az

Şərh Yaz