Partlayışda yaralanan məmurla xanımı Türkiyəyə aparıldı

Bölmə: Kriminal

21 oktyabr 2016 10:10 Baxış: 171 Şərh: 0 Çap

Dünən Abşeron rayonunun Hökməli qəsəbəsində yaşayış evində baş vermiş patlayış nəticəsində xəsarət alanlardan 2 nəfər Türkiyəyə köçürülüb.

“Xalqİnfo” Trend-ə istinadən xəbər verir ki, xəsarət alan ev sahibi Müşviq Qurbanov və həyat yoldaşı Şəbruz Novruzova dünən gecə saatlarında Respublika Yanıq Mərkəzindən Türkiyədəki hospitallardan birinə köçürülüblər.

Hadisə nəticəsində xəsarət alan ailənin digər üzvü - 12 yaşlı Leyla Qurbanlı isə vəziyyəti sabit olduğundan onun müalicəsi Respublika Yanıq Mərkəzində davam etdirilir.

Qeyd edək ki, oktyabrın 20-də səhər saat 5:00 radələrində Abşeron rayonunun Hökməli qəsəbəsində "Azəravtoyol" ASC-nin əməkdaşı 1972-ci il təvəllüdlü M.Qurbanovun mənzilində qaz sızmasından partlayış baş verib.

Hadisə nəticəsində M.Qurbanov və həyat yoldaşı yoldaşı 1972-ci il təvəllüdlü Ş.Novruzova və qızı 2004-ci il təvəllüdlü L.Qurbanlı ağır dərəcəli yanıq xəsarətləri alıblar.

Ailənin digər üzvü - 3 yaşlı Banıçiçək Qurbanlı isə aldığı xəsarətlərdən dünyasının dəyişib.

Əlaqə üçün E-mail: Xalqinfo@mail.ru

Şəfa Rasimqızı
Xalqİnfo.az

Şərh Yaz