26 Fevral Xocalı soyqırım günüdür (FOTOLAR)

Bölmə: Kriminal, MANŞET

26 fevral 2016 00:23 Baxış: 2212 Şərh: 0 Çap

Hər ilin 26 Fevral günü Azərbaycan xalqının milli faciəsi günüdür.
26 Fevral Xocalı soyqırım günüdür (FOTOLAR)

Xocalı soyqırımı Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Azərbaycana qarşı həyata keçirilən və XX əsrin ən böyük genosidlərindən biridir.

Xalqinfo.az bildiri ki , 1992-ci il fevralın 25-dən 26-na keçən gecə Ermənistan silahlı qüvvələri Rusiyanın 366-cı motoatıcı alayın zirehli texnikası və hərbi heyətinin köməkliyi ilə Azərbaycanın ayrılmaz tərkibi olan Dağlıq Qarabağda yerləşən Xocalı şəhərinə hücum etdi.Şəhər tamami ilə darmadağın edildi,əhalisi vəhşicəsinə öldürüldü.
Xocalı faciəsi dünya tarixinə insanlara,ümumilikdə insaniyyətə qarşı həyata keçirilən soyqırım- genosid kimi daxildir. Təkcə Azərbaycan deyil, XX əsr bəşəriyyətin ağılasığmaz,amansızcasına həyata keçirilən insaniyyətin qətilidir.

Xalqımıza qarşı törədilmiş soyqırımı—genosidin nəticəsində 63-ü uşaq, 106-sı qadın, 70-i qoca və qarı olmaqla – 613 nəfər Xocalı sakini qətlə yetirildi, 8 ailə tamamilə məhv edildi, 25 uşaq hər iki valideynini, 130 uşaq valideynlərindən birini itirdi. 76-sı uşaq olmaqla 487 nəfər yaralandı. 1275 nəfər əsir, 150 nəfər itkin düşüb.
Şəhər talan edilmiş, yandırılmış və 3 məktəb, 1 xəstəxana, 3 tibb məntəqəsi, 3 klub, 3 uşaq bağçası və dikər tikililər tamamilə dağıdılmışdır
Qeyd edək ki,ümummilli lider Heydər Əliyev 1 mart 1994-cü ildə bu haqda xüsusi Fərman imzalayıb. Azərbaycan Respublikasının Milli Məclisinin Qərarı ilə 26 fevral "Xocalı soyqırımı və milli matəm günü" elan olunmuş, bu barədə bütün beynəlxalq təşkilatlara məlumat verilmişdir.
26 Fevral Xocalı soyqırım günüdür (FOTOLAR)