SALAM, ƏSGƏR ANASI-ÖTƏRXAN ELTACBölmə: Köşə
 Vətən məhəbbətli, yurd sevdalı həmkarım Təranə Fazilqızının oğlu Elnuru hərbi xidmətə yola saldıq. Təranə xanım da “əsgər anası“ kimi ali şərəfə nail oldu. Ananın əzəməti, qüruru gözlərindəki nisgili, baxışlarındakı kədəri silməyə çalışdı o gün. Əzəməti, mərdanəliyi qamətinin əyilməsinə razı olmadı. Oğul, “düşmən çəpəridir”-dedi. Mən də təbrik eləməyə çalışdım, sözlərin misralara çevrildiyindən isə sonra xəbər tutdum. SALAM, ƏSGƏR ANASI Necəsən, Turi-Səna, halı pəjmürdə xanım? Gözünə qəm çilənib? yenə qəmdir cahanım Elə ki, yer üzünə nazil oldu “Quran”ım Haqqı öyrətdi bizə, oldu dərdin çarası Salam, əsgər anası! Etmə çox var-gəli sən, saçına düşsə də dən Uyma boş xəyallara, sarsılma vəsvəsədən Açılar nurlu sabah, qurtarrıq səksəkədən Aləmə nur çiləyər yurdun aydın səması Salam, əsgər anası! Sən oğul böyütmüsən, məğrur, əyilməz, mətin Baxışında əriyib asanlaşar hər çətin Bir aydın sabahı var qaranlığın, zülmətin O zülmətdə çin olar anaların röyası Salam, əsgər anası Sən oğul böyütmüsən vətənə arxa, kömək Oğul səngərdədirsə vətən yaşayır demək Bil ki, qalib çıxacaq vuruşsa da təkbətək Çünki haqqa söykənib, haqq dərdinin davası Salam, əsgər anası! Sinəsində avtomat, tutduğu yol haqq yolu Qoruduğu bu diyar qədim, uludan ulu Əsrarəngiz meşəli, Kür-Arazlı, bolsulu Bu yurd Odlar yurdudu, ay gözümün qarası Salam, əsgər anası Sülh olacaq cahanda, susacaq güllə səsi Yayılacaq Şuşadan “Qarabağ şikəstəsi Analara hədiyyə “Xarı bülbül” dəstəsi” - Gələndə sağalacaq torpağımın yarası Salam, əsgər anası! Müstəqil ana yurdda kim keçirsə xidməti Bu bir şandı, şərəfdi qorumaq məmləkəti “Dünyaya sülh, hürriyyət!” budur əsgər niyyəti Haqqın təməl daşıdır saf niyyətin mayası Salam, əsgər anası! Vətənə oğul gərək, düşmən yolun azanda Sinəsin sipər edə, yağı sərhəd pozanda Geyib əsgər paltarın Müqəddəs Ramazanda Hifz eyləsin, qorusun, hər orucun duası Salam, əsgər anası! Əsgər anası oldun, çox ucaltdı ad səni Gəlib təbrik eylədi qohum səni, yad səni Müjdəni mən verəcəm, eyləyəcəm şad səni Sən indidən hazırla, muştuluq-toy xonçası Salam, əsgər anası! Ordu zəfər çalacaq, Elnur dönəcək geri Ya baş nazir olacaq, ya da paytaxtın meri Dəf edəcək ölkədə bütün çətinlikləri Evə gəlin gələcək bir sonalar sonası Salam, əsgər anası! Işğalda haray çəkir yurdum illərdən bəri Ötərxan da itirib Laçın kimi gövhəri Kim sevsə Allahını, tanısa peyğəmbəri Namaz dadına çatar, abad olar yuvası Salam, əsgər anası! Salam, əsgər anası!! 
|
XƏBƏR LENTİ
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
