NAĞIL HƏYAT-Vüsal HicranoğluBölmə: KİTAB ALƏMİ, MANŞET
İNSAN ÖMRÜ Bəlkə də nağıldır insanın ömrü, "Cırtdan"ı "div"ləri aldadır hərdən. Fikir ümmanına bir qırmaq atır, Azad ola bilmir düşüncələrdən. Saat kəfkiri tək tələsir anlar, Bir-bir yer dəyişir,ötür fəsillər. Qayçı əqrəblərin iti dililə, Xəbərsiz,ətərsiz kəsilir illər. BU HƏYAT DEDİYİN Bu həyat dediyin yuxudur,qardaş, Açıb açmasını, yoza bilərsən ? Allahdan payına düşən qisməti, Varmı cəsarətin, poza bilərsən ? Bu həyat dediyin bilinməyən-sirr, Bir bağlı mücrüdür,açarı itmiş. Girər qılığına bir "gəlin" kimi, Həyası,abırı,isməti bitmiş. Bu həyat dediyin ikiüzlüdür, Gah ağlar,gah da ki, üzünə gülər. Yükləyər belinə qəm şələsini, Necə ağır yükdür çəkənlər bilər. ******** "Yek", "dü","çahar","pənc","şeşimiz" tutuldu, Biz "sə"lərin ümidinə qalmışıq. Xana-xana tutub bu həyat bizi, Qoşa zərin ümidinə qalmışıq. GƏTİRİR-ÖTÜRÜR Yaz səhəri Günəşin şəfəqləri Öpüb üzümdən Məni sənə gətirir. Axşam düşür Ay ,ulduzlar, Təbəssümlə Evimizə ötürür. ***** Görəsən dərdimi kim ol güli-rüxsarə desin, Canı cismimdən alan sevgili dildarə desin. Qaş kaman, kirpiyi oxdur, çəkib eşqin yayını, Naz ,qəmzəylə vurub qəlbimə min yarə desin. Göz görüb,sevdi könül,yoxmu əlac dərdə,görən Varmı bir çarə bilən,nola,gəlib çarə desin?. Kərəmü Qeysü Qərib fani olub eşq içrə, Bilməyiblər necə eşqi gəlib iqrarə desin. Gülünün hali olar dərdü qəmindən bülbül, Nə səbəb var axı öz dərdini gül xarə desin? Vüsala yoxdu kömək bəndədən,əlbəttə,gərək Üz tutub sidq ilə o,kami-dilin Yarə desin. Xalqinfo.az |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|