Azərbaycan əhalisinin təxminən yarısının banklarda əmanəti varBölmə: İqtisadiyyat
 Cari ilin yanvar-noyabrında əmanətlər üzrə əhalinin faiz gəlirləri 450 milyon manat olubXalqinfo.az trend-ə istinadən xəbər verir ki, bu barədə Azərbaycan Mərkəzi Bankının (AMB) çərşənbə axşamı rəsmi mətbuatda dərc olunmuş 2015-ci il üzrə pul siyasəti və maliyyə sabitliyinin əsas istiqamətləri üzrə bəyanatında deyilir. Bəyanatda bildirilir: "Əhali bank sektoru ilə münasibətdə xalis kreditordur. Əhalinin əmanətlərinin həcmi kreditlərini 2,3 mlrd. manat üstələyir". Cari ilin ötən dövründə əmanətlər üzrə əhalinin faiz gəlirləri 450 mln. manat olub. Hazırda ölkədə hər 1000 nəfərə 473 əmanətçi düşür. Adambaşına əmanətin məbləği 745 manata, fiziki şəxslərin bank hesablarının sayı isə 6,4 milyona çatıb. 2014-cü ilin 11 ayı ərzində korporativ depozitlər 35.3 faiz artaraq 8,2 mlrd. manata, əhalinin əmanətləri isə 10,8 faiz artaraq 7,1 mlrd. manata çatıb. Bəyanatda deyilir ki, əhalinin manat əmanətləri 11 ayda 15 faiz artıb. Regionlarda əmanətlərdə 12,4 faizlik artım müşahidə olunub. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
