» » Azərbaycanın yeraltı anbarlarında 3 mlrd. kubmetrə yaxın qaz vurulub

Azərbaycanın yeraltı anbarlarında 3 mlrd. kubmetrə yaxın qaz vurulub

Bölmə: İqtisadiyyat
Azərbaycanın yeraltı anbarlarında 3 mlrd. kubmetrə yaxın qaz vurulub
Bu ilin qazvurma mövsümündə (noyabrın 1-nə olan məlumata əsasən) Azərbaycanın yeraltı qaz anbarlarına 2 219 648 kubmetr qaz vurulub.

Bu barədə "Xalqinfo"ya Azərbaycanın neft-qaz bazarında fəaliyyət göstərən mənbə bildirib.

Qeyd edək ki, Azərbaycanda iki yeraltı qaz anbarı mövcuddur. "Qalmaz" və "Qaradağ" yeraltı qaz anbarlarının tutumu 3,5 mlrd. kubmetr təşkil edir. Anbarların hər ikisi də SOCAR-ın tabeliyindədir.

Belə ki, mənbənin sözlərinə görə, mövsüm zamanı vurulan qazın 1 249 607 min kubmetri "Qaradağ", qalanı isə "Qalmaz" qaz anbarının payına düşüb.

Bu ilin 1 noyabr tarixinə olan məlumata görə – yeraltı qaz anbarlarında 2 989 123 min kubmetr qaz yığılıb (ötən mövsümdən qalıqla birlikdə – red.). Bu həcmin 1 645 268 min kubmetri "Qaradağ", yerdə qalan həcmi isə "Qalmaz" qaz anbarlarında yığılıb, mənbə bildirib.

"Qazvurma mövsümü hələ davam etdirilir", - deyə mənbə əlavə edib.

Xatırladaq ki, SOCAR 2021-ci ilin sonunadək "Qalmaz" və "Qaradağ" yeraltı qaz anbarlarının tutumunu 5 mlrd. kubmetrə çatdırılmasını planlaşdırır.

Xalqinfo.az

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler